“Makatulong a Giya iti Inaldaw-aldaw a Panagbiag”
Dayta ti panangawag ti maysa a babai manipud Toronto, Canada, kadagiti publikasion iti Watch Tower Bible and Tract Society. “Tagiragsakek ti mangbasbasa kadakuada ken masarakak ti material a makaipaay iti adu nga impormasion, makapabileg-puso, ken kangrunaan ti amin, makatulong a giya iti inaldaw-aldaw a panagbiag.”
Kinunana pay: “Maysaak a graduado iti unibersidad, ket aminek a buyogen iti pannakakigtot nga ad-adu ti nasursurok babaen kadagiti publikasionyo ngem kadagiti isuamin a tawtawen a panagadalko. Nangnangruna a tinagiragsakko ti libroyo a Panamagbalin a Naragsak ti Biag ti Pamiliayo. Awanen ti sabali pay a publikasion a nakaipaay iti kasta a positibo a panangtignay iti biagko a kas iti publikasionyo—natulongandak iti kasta unay; ket gapu itoy pudno nga agyamanak kadakayo.”
Ti nadakamat iti ngato a libro, Panamagbalin a Naragsak ti Biag ti Pamiliayo, makaipaay ti espisipiko a singasing a makatulong a mangsolbar kadagiti parparikut ken mamagbalin iti panagasawa a makaay-ayo kas iti pinanggep ti Namarsua iti dayta. Maipaay iti impormasion no kasano ti makaawat iti maysa a kopia, suratanyo ken ipatulodyo ti naipakuyog a kupon.
Kayatko ti makaawat ti natangken-akkubna, 192-panid a libro a Panamagbalin a Naragsak ti Biag ti Pamiliayo. (Agsuratkayo iti direksion iti baba a maipaay ti impormasion. Iti ruar ti Filipinas, agsuratkayo iti lokal a sanga ti Watch Tower a maipaay ti impormasion. Kitaenyo ti panid 2.)