Ti Kapatgan a Pasamak iti Historia

Apay a kasta? Ti pasamak isu ti ipapatay ni Jesu-Kristo.

Intandudona ti kinasoberano ti Dios ken pinaneknekanna a masalimetmetan ti maysa a tao ti naan-anay a kinatarnaw iti Dios. Linuktanna ti namnama ti sangatauan a makagun-od iti biag nga agnanayon iti paraiso a kasasaad. Inyusuat a mismo ni Jesus ti panglaglagip iti ipapatayna iti rabii sakbay a natay.

Simple laeng a seremonia. Kabayatan dayta, kinuna ni Jesus kadagiti adalanna: “Itultuloyyo nga aramiden daytoy a panglaglagip kaniak.” (Lucas 22:19, 20) Laglagipenyonto kadi? Awisendakayo dagiti Saksi ni Jehova a makipagrambak iti daytoy kapatgan a pasamak iti historia. Ita a tawen ti petsa ket Martes, Abril 6, kalpasan ti ilelennek ti init. Pangngaasiyo ta makiumankayo iti Kingdom Hall nga asideg kadakayo maipaay iti eksakto nga oras ken lugar. Awan ti makolekta, ken maawis dagiti bisita nga umimdeng iti makaisuro a palawag ken agpaliiw iti simple a seremonia.