Ania ti Masakbayan Dagiti Ubbingtayo?

TI NUKLEAR a pangta​—agtaud man dayta kadagiti bomba dagiti terorista wenno aksidente kadagiti planta ti nuklear​—ket agur-uray kadatay amin. Mabalin a madandanagankay unay nangruna maipapan kadagiti agtutubo, a pakairamanan dagiti annak wenno appoyo. Anian a makapaliday a panunoten a ti nuklear a pangta pagpeggadenna ti salun-at ken masakbayan ti siasinoman nga ubing.

Ngem dikay maupay. Adda panggapuanyo a mangnamnama iti nasayaat a masakbayan dagiti agtutubo. Ti pakaibatayan ti namnama ket naisentro, saan nga iti panangikagumaan ti tao a mangsalaknib kadagiti ubbingtayo, no di ket iti masakbayan nga agpannuray kadagiti ima ti Namarsua kadatayo.

Idi ti anak ti Dios, ni Jesus, ket nangisuro idiay Makintengnga a Daya, nangipakita ti pannakaseknan kadagiti ubbing. (Marcos 9:36, 37, 42; 10:13-16) Ipakita ti Biblia a ti umasping a pannakaseknan maipakitanto inton naan-anay a pagpatinggaen ti Dios ti nuklear a pangta ket ipasdekna ti sangalubongan a paraiso. Matagiragsak dayta dagiti ubbingtayo, ken uray met dakayo.

No awatenyo ti ad-adu pay nga impormasion wenno no kayatyo nga adda maysa a sumarungkar kadakayo tapno idauluannakayo iti libre a panagadal ti Biblia iti pagtaenganyo, pangngaasiyo ta agsuratkayo iti Watch Tower, P.O. Box 2044, 1099 Manila, wenno iti maitutop a direksion a nailista idiay panid 2.