Linapdanna ti Panagsinada

IMPAKITA ti maysa a lalaki ti imana iti maysa a babai a Saksi ni Jehova sana kinuna: “Kitaem dagiti ramayko. Adda madlawmo?” Nadlaw a dagus ti Saksi nga awanen ti wedding ring-na. Kinuna ti lalaki nga inkeddengda nga agassawa ti agdiborsio ta saandan a talaga nga agkatunosan. “Saan!” kinuna ti Saksi. “Alaem daytoy a libro ket basaem. Makatulong daytoy kadakayo nga agassawa.” Inikkanna ti lalaki iti naibatay-Biblia a libro a Pannakaammo a Mangiturong iti Biag nga Agnanayon.a

Sumagmamano nga aldaw kalpasanna, maragragsakan a nagsubli ti lalaki iti Saksi. Impakitana kenkuana ti imana. Nakasingsingen. Kinunana a binasada a dua ken baketna ti libro a Pannakaammo ket nakaragragsakda itan. Dayta a libro ti nanglapped iti panagsinada.

Makatulong ti balakad ti Biblia kadagiti agassawa a mangipakita iti napaypayso nga ayat iti tunggal maysa. Ti autor ngamin ti Biblia ket awan sabali no di ti Namarsua kadatayo, a nagkuna: “Siak ni Jehova a Diosmo, a mangisuro kenka a maipaay iti gunggonam, a mangiturong kenka iti dalan a papanam koma.”​—Isaias 48:17.

[Footnote]