Dagiti Linaonna
LAWAS TI MAYO 29, 2017–HUNIO 4, 2017
3 “No Ania ti Ikarim, Tungpalem”
Manon ti inkarim ken Jehova? Maysa, dua, wenno ad-adu pay? Ikagkagumaam met la kadi a tungpalen dagita? Komustan ti karim idi nagdedikarka wenno idi nagkasarka? Adalentayo iti daytoy nga artikulo ti inaramid da Jefte ken Anna a nagsayaat a tuladen iti panangtungpal kadagiti karitayo iti Dios.
LAWAS TI HUNIO 5-11, 2017
9 Ania ti Aglabas Inton Umay ti Pagarian ti Dios?
Masansan a pampanunotentayo dagiti ipaayto kadatayo ni Jehova idiay Paraiso, ngem pagsasaritaantayo iti daytoy nga artikulo dagiti pukawenna. Ania ti ikkaten ni Jehova tapno agbalin a natalna ken naragsak ti biag iti intero a lubong? Ti panangpanunottayo iti sungbat dayta a saludsod patibkerenna ti pammatitayo ken tulongannatayo nga agibtur.
14 Pakasaritaan ti Biag—Determinado nga Agbalin a Soldado ni Kristo
LAWAS TI HUNIO 12-18, 2017
18 Ti “Ukom ti Intero a Daga” Kanayon nga Aramidenna ti Umiso
LAWAS TI HUNIO 19-25, 2017
23 Tultuladem Kadi ti Kinahustisia ni Jehova?
No ipagaruptayo a biktimatayo wenno nakakitatayo iti kinaawan hustisia, mabalin a masubok ti pammati, kinapakumbaba, ken kinasungdotayo. Maadal kadagitoy nga artikulo ti tallo a salaysay iti Biblia a makatulong tapno matuladtayo ti kinahustisia ni Jehova.
LAWAS TI HUNIO 26, 2017–HULIO 2, 2017
28 Maidaydayaw Koma ni Jehova Babaen ti Panagboluntariom!
Awan ti kasapulan ni Jehova kadatayo; ngem maragsakan a makakita iti panangikagumaantayo a mangsuporta iti kinasoberanona. Ipakita ti Uk-ukom kapitulo 4 ken 5 nga ipatpateg unay ni Jehova ti kinatuloktayo a mangaramid iti bilinna.