Dagiti Linaonna

No kasla kayattayon ti sumuko gapu kadagiti pakarigatan iti biag, ania ti mabalin nga aramidentayo? Ilawlawag daytoy nga artikulo ti tekstotayo iti tawen 2018 ken ipakitana no apay a masapul a palubosantayo a pabilgennatayo ni Jehova ken no kasano nga aramidenna dayta.

Maangayto inton Sabado, Marso 31, 2018 ti tinawen a panangselebrar iti Pananglaglagip iti ipapatay ni Kristo. Kasanotayo a makapagsagana itan para iti dayta nga okasion, ania dagiti pagimbagan ti itatabunotayo, ken kasano a makatulong dayta iti panagkaykaysa dagiti adipen ti Dios iti intero a lubong? Masarakan dagiti sungbat iti daytoy nga artikulo.

Naggapu ken Jehova ti amin nga adda kadatayo. Ngem namnamaenna latta nga usarentayo dagiti sanikuatayo a mangsuporta iti trabaho ti organisasionna ita. Mausig iti daytoy nga artikulo no apay ken no kasano a mabenepisiarantayo no padayawantayo ni Jehova babaen kadagiti napapateg a bambanagtayo.

Ilawlawag ti umuna nga artikulo nga agtaud ti pudpudno a kinaragsak iti panagayat iti Dios, saan nga iti peke a kita ti ayat a nakadkadlaw unay kadagiti ‘maudi nga al-aldaw.’ (2 Tim. 3:1) Iladawan ti maikadua nga artikulo ti dakkel a nagdumaan ti ugali dagiti tattao iti maudi nga al-aldaw ken ti kababalin dagiti adipen ti Dios.