Teokratiko a Damdamag

◆ Maragsakan ti Australia a mangireport iti baro a peak a 51,152 nga agibumbunannag, maysa a 5.3% a panagadu manipud iti isu met laeng a bulan idi napan a tawen.

◆ Nagreport ti Hong Kong iti baro a peak a 2,032 nga agibumbunannag. Ti total a 4,511 a suskripsion a nagun-od isut’ nasurok a mamindua a daras iti bilang ti nagun-odan iti napalabas iti maysa a bulan.

◆ Inreport ti Taiwan iti 7-porsiento a panagadu babaen iti 1,594 a rimmuar iti serbisio. Nakapromedio dagiti agibumbunannag ti kongregasion iti 12.2 nga oras iti ministerio.

◆ Impadamag ti Nigeria iti 139,150 nga agibumbunannag, ti maikadua a peak iti daytoy a tawen ti serbisio. Addaanda met iti baro a peak a 9,244 a regular payunir ken 183,701 a panagadal ti Biblia.

◆ Dagiti kombension ti distrito idiay Solomon Islands ti tinabunuan dagiti 2,339, agraman 37 a nagbautisar. Ti kangatuanda iti agibumbunannag isut’ 777.

◆ Kadagiti 34 a “Nadiosan a Debosion” a Kombension ti Distrito ditoy Pilipinas isut’ tinabunuan iti kangatuan a 223,584, agraman 3,171 a baro a bautisado.

◆ Naaddaan ti Papua New Guinea iti 9-porsiento a panagadu babaen iti baro a peak a 2,272 nga agibumbunannag a nagreport.