Dagiti Pakaammo
● Literatura a tukon iti Enero ken Pebrero: Daan a publikasion kas maitunos iti pagsasao, kas sumaganad: Ingles: Worldwide Security a libro iti ₱16.00. Bicol: Truth a libro iti ₱8.00. Cebuano: Happiness a libro iti ₱16.00. Hiligaynon: Good News to Make You Happy iti ₱2.50. Iloko: Happiness a libro iti ₱16.00. Samar-Leyte: Good News to Make You Happy iti ₱2.50. Tagalog: Happiness wenno True Peace a libro iti ₱16.00. Marso: Apocalipsis a libro iti ₱48.00. Abril ken Mayo: Makatawen a suskripsion iti Ti Pagwanawanan iti ₱70.00.
● Bayat ti Enero ken Pebrero, ti libro a Good News to Make You Happy isut’ maitukon iti ₱2.50 iti Hiligaynon ken Samar-Leyte. Ti gatad daytoy kadagiti payunir isut’ 70 sentimos. Kasta met a ti Truth a libro iti Bicol isut’ maitukon iti ₱8.00 ket ti gatad daytoy kadagiti payunir isut’ ₱4.00. No usarenyo dagitoy a libro iti espesial a gatad, pangaasiyo ta siguruenyo a kiddawen ti kredito kadagidiay naala iti payunir ken agibumbunannag, a pagparangen dagitoy iti nagsina a linea idiay Remittance and Credit Request form (S-20).
● Ti rambak iti Memorial isut’ maaramid iti Sabado, Marso 30, 1991, kallennek ti init. Nupay ti palawag ket mabalin a mairugi a nasapsapa, pangaasi ta laglagipenyo a ti pannakaipasa dagiti emblema ti Memorial a tinapay ken arak isut’ masapul a saan a mangrugi agingga a makalennek ti init. Awan koma ti sabali a gimong a maaramid iti dayta a petsa. No gagangay a dagiti gimong ti kongregasionyo ket maaramid iti Sabado, masapul nga iyurnosyo dagitoy iti sabali nga aldaw bayat ti lawas iti Memorial. Dagiti imbitasion iti Memorial ti maipatulod kadagiti kongregasion iti maitutop a tiempo, gapuna saan a kasapulan a pediduenyo dagitoy.
● Pangaasiyo ta agpedidokayo iti ekstra a magasina a maipaay iti espesial a kampania inton Abril ken Mayo iti ngudo ti Enero tapno masiguro a maawatyo iti nasapa a tiempo. Patgenmi unay ti nasapa nga asikasoyo iti daytoy, a sipapanunotkayo iti kawadwad dagiti auxiliary payunir nga agserbinto bayat dagitoy a bulbulan.
● Ti espesial a palawag iti publiko ita a tawen isut’ maipalawag a sangalubongan inton Domingo, Abril 7, 1991 iti suheto, “Ti Iyaay iti Mesias ken ti Panagturayna.” Maysa a pagsurotan ti maipatulod iti kada kongregasion apaman a nakasaganan. Kadagiti kongregasion a nakaiskediol a bisitaen dagiti manangaywan ti sirkito iti dayta a petsa wenno addaan iti asamblea ti sirkito wenno espesial nga aldaw iti asamblea masapul nga aramidenda ti espesial a palawag iti sumaruno a lawas. Awan ti kongregasion a mangaramid iti espesial a palawag iti sakbay daytoy Abril 7.