Dagiti Pakaammo

◼ Literatura a tukon iti Setiembre: Saludsod Dagiti Agtutubo a libro iti ₱24.00. Oktubre: Makatawen a suskripsion iti Agriingkayo! iti ₱70.00. Nobiembre: New World Translation Bible a kakuyog daytoy Ti Biblia—Saot’ Dios wenno iti Tao? iti ₱80.00. Disiembre: Ti Librok Dagiti Estoria ti Biblia iti ₱48.00.

◼ Ited dagiti manangaywan ti sirkito iti palawag ti publiko a, “Nadiosan a Sirib iti Sientipiko a Lubong” bayat nga agbisitada ti kongregasion manipud iti Oktubre.

◼ Dagiti pedido a maipaay iti 1992 Yearbook ken kalendario ti mabalinen a maipatulod iti Sosiedad. Mangipatulodkami iti espesial a Yearbook and Calendar Order Blank ti kada kongregasion a maikuyog iti statement ti kuenta iti Hulio. No maawatyo daytoy, suratan ken isubliyo iti Sosiedad tapno makadanon iti sanga nga opisina a saan a naladladaw ngem ti Oktubre 1. Ti kontribusion nga agpaay iti Yearbook isut’ ₱16.00. Dagiti regular ken espesial payunir iti listaan manipud Hulio 1, 1991 wenno sakbay daytoy a petsa isuda ti makaawat iti libre a kopia ti Yearbook, ket dagiti kongregasion masapul nga kiddawenda ti kredito iti daytoy idiay Remittance and Credit Request form (S-20) no ipatulodda ti bayad a sumaruno iti pannakaawatda kadagiti Yearbook. Mabalin a makaala dagiti payunir iti kanayonan a kopia daytoy iti ₱8.00 ti kada maysa tapno adda ipaimada kadagiti saan pay a dedikado a tattao. Pangaasiyo ta pagparangenyo a naisina dagiti libre a kopia manipud iti gatad ti payunir no agkiddawkayo iti kredito. Ti kalendario isut’ mabayadan met iti ₱16.00 ngem awan ti gatad dagiti payunir iti daytoy, ken saanda met a maikkan ti libre.

◼ Masapul metten a maipatulod dagiti pedido a maipaay iti “Panangsukimat kadagiti Kasuratan iti Inaldaw-aldaw”—1992. Maimaldit daytoy iti amin a pagsasao. Mangipatulodkami iti special order blank a maipaay iti daytoy a kakuyog ti Hulio nga statement. Pangaasiyo ta suratanyo, a pagminarenyo iti bilang a kasapulanyo iti kada pagsasao, ket isubliyo iti Sosiedad a saan a naladladaw ngem iti Oktubre 1. Ti kontribusion daytoy isut’ ₱4.80 kadagiti agibumbunannag. Maysa a libre a kopia ti maited iti kada espesial ken regular payunir idiay listaan manipud Hulio 1, 1991. Dagiti ekstra a kopia kadagiti payunir isut’ ₱3.20. Dagiti kredito ti makiddaw a kas met laeng kadagiti Yearbook.

◼ Idinto ta ti libro nga “Amin a Kasuratan Impaltiing ti Dios ket Naimbag” isut’ maalan iti Iloko ken Tagalog, manipud iti Nobiembre saankamin a mangipatulod iti pagsurotan ti pangisuro a palawag kadagiti kongregasion a mangusar kadagitoy a pagsasao, idinto ta dagiti kakabsat a natudingan ket maaladan ti impormasionda a direkta manipud iti Iloko ken Tagalog nga edision daytoy a libro. Dagiti pagsurotan ti agtultuloy a maipatulod kadagiti dadduma a pagsasao a kas iti sigud.