Ti Kingdom Ministry School Mangted iti Teokratiko nga Edukasion
Nadagsen a responsabilidad ti naipaawit kadagiti panglakayen. Manipud idi 1959, naaramid ti urnos a maipaay iti espesial a kurso ti panagsanay a tumulong kadakuada iti nadagsen a rebbengenda. Dagiti ministerial nga adipen ti naawisda met a timmabuno iti umuna a daras idi 1984.
Manipud iti kaudian a panagadal a naaramid iti 1989, ginasut a kongregasion dagiti naporma ken rinibo a kakabsat iti nadutokan a panglakayen ken ministerial nga adipen. Kasta met nga adda dagiti organisasional a panagbalbaliw a naaramid. Gapuna, ti Manarawidwid a Bagi ket inyurnosna kadagiti amin a panglakayen ken ministerial nga adipen iti kongregasion a tumabunoda iti Kingdom Ministry School bayat iti Hunio daytoy a tawen. Dagiti managdaliasat a manangaywan isuda ti mangidaulo iti pannakaisuro ti kada sirkito. Amin a kongregasion ti magunggonaan iti daytoy bayat a dagiti panglakayen ken ministerial nga adipen ket iyaplikarda dagiti maadalda iti daytoy a pagadalan.