Teokratiko a Damdamag

Guadeloupe: Baro a peak dagiti 6,830 nga agibumbunannag ken 9,302 a panagadal iti Biblia ti naireportda idi Mayo. Adda uppat nga asamblea ti sirkito a naaramid nga addaan iti napagtipon a timmabuno a 12,407, ken 123 ti nabautisaran.

Romania: Idi Abril naaddaanda ti baro a peak a 23,938 nga agibumbunannag, maysa a 17-porsiento a panagadu manipud napan a tawen a promedio, ken adda pay iti nagpaiduma a 66,395 a timmabuno ti Memorial.

Alemania: Impadamag ti sanga nga adda 159,821 nga agibumbunannag iti tay-ak bayat ti maysa a napalabas a bulan, a daytoy ket 3-porsiento a panagrang-ay manipud idi napan a tawen a promedio.