Dagiti Pakaammo

◼ Literatura a tukon iti Enero: Ti Katan-okan a Tao a Nagbiag Pay Laeng iti ₱60.00. Pebrero: Mabalinyo ti Agbiag nga Agnanayon iti Paraiso a Daga, dakkel nga edision iti ₱60.00, bassit nga edision iti ₱30.00. Marso: Apocalipsis​—Ti Grande a Tampokna Asidegen! iti ₱60.00. Abril ken Mayo: Makatawen a suskripsion iti Ti Pagwanawanan iti ₱80.00. NOTA: Dagiti kongregasion a saan pay a nagkiddaw kadagitoy nasao iti ngato a maikampania a pagbasaan ti masapul nga aramidendan iti sumaruno a binulan a Literature Request Form (S-14).

◼ Ti Enero isut’ tiempo a mapabaro dagiti Medical Documents ken Identity Cards nga agpaay iti 1993. Kasta met, amin a baro a bautisado a miembro iti kongregasion ti masapul a maikkan iti kard, agraman dagiti saan a bautisado a menor nga ubbing dagiti nagannak a Saksi. Pangaasi koma ti sekretario ta repasuenna daydiay surat kadagiti amin a kongregasion a napetsaan iti Nobiembre 1, 1991 no kasano a masuratan dagitoy a kard, ket ipaayan amin dagidiay agkasapulan kadagitoy a kard. No kasapulan, agpedidokayo pay manipud ti Sosiedad.

◼ Ti rambak iti Memorial isut’ maaramid inton Martes, Abril 6, 1993, kallennek ti init. Nupay ti palawag ket mangrugi a nasapsapa, pangaasiyo ta laglagipenyo a ti maipasa a tinapay ken arak iti Memorial ket saan a mangrugi agingga a nakalneken ti init. Awan koma ti sabali a gimong a maaramid iti dayta nga aldaw. No adda panagadalyo iti libro ti kongregasion wenno dadduma a gimong iti dayta nga aldaw, masapul a maiyiskediol kadagiti sabali nga aldaw ti lawas. Dagiti imbitasion iti Memorial ti maipatulod kadagiti kongregasion apaman a maimalditda.