Dagiti Pakaammo
◼ Literatura a tukon iti Setiembre: Mabalinyo ti Agbiag nga Agnanayon iti Paraiso a Daga, dakkel nga edision iti ₱60.00, bassit nga edision iti ₱30.00. Oktubre: Makatawen a suskripsion ti Agriingkayo! iti ₱80.00. Nobiembre: Mabalinyo ti Agbiag nga Agnanayon iti Paraiso a Daga, dakkel nga edision iti ₱60.00, bassit nga edision iti ₱30.00. Disiembre: New World Translation a Biblia agraman Ti Biblia—Saot’ Dios wenno iti Tao? iti ₱100.00. NOTA: Dagiti kongregasion a saan pay a nagpedido kadagiti nasao ditoy ngato a maikampania a pagbassan ti masapul a mangaramiden iti sumaruno a binulan a Literature Request Form (S-14).
◼ Ited dagiti manangaywan ti sirkito iti palawag ti publiko a, “Panangkita Kadagiti Agtutubo Manipud Panangmatmat ni Jehova” no bisitaenda dagiti kongregasion manipud ti Oktubre.
◼ Maitunos iti daydiay nadakamat iti Pagwanawanan nga Abril 15, 1991, panid 23, parapo 13, aramiden dagiti panglakayen ti urnos iti nasapa a paset ti baro a tawen a serbisio a tinungenda a sarungkaran dagiti tattao a nailaksid wenno naisina iti nasuroken a nakatawen. (Papanglakayen, pangaasiyo ta repasuenyo daytoy a Pagwanawanan ken kasta met daydiay surat a Marso 20, 1991 maipapan iti daytoy a banag.)
◼ Dagiti pedido iti 1994 a Yearbook ken kalendario ti mabalinen a maipatulod iti Sosiedad. Mangipatulodkami ti espesial a Yearbook and Calendar Order Blank iti kada kongregasion a kadua ti Hulio nga statement dagiti kuenta. No maawatyo daytoy, suratan ken ipatulodyo iti Sosiedad tapno makadanon ditoy sanga nga opisina a saan a naladladaw ngem iti Oktubre 1. Ti kontribusion iti Yearbook isut’ ₱30.00. Dagiti regular ken espesial payunir iti listaan manipud Hulio 1, 1993 wenno sakbay dayta a petsa ti mabalin nga umawat iti maysa a libre a kopia ti Yearbook, ket ti kongregasion agkiddaw iti kredito daytoy idiay Remittance and Credit Request form (S-20) inton ipatulodda ti bayad kalpasan a maawatda dagiti Yearbook. Makaala dagiti payunir ti kanayonan a kopia iti ₱20.00 ti kada kopia tapno ipaimada kadagiti saan a dedikado a tattao. Pangaasiyo ta pagparangenyo dagiti libre a kopia a maisina kadagidiay naigatad iti payunir inton agkiddawkayo ti kredito. Ti kalendario isut’ ₱20.00 ket awan iti gatad nga agpaay ti payunir iti daytoy, ni awan met ti maited a libre kadakuada.
◼ Maipatulod metten dagiti pedido nga agpaay iti “Panangsukimat Kadagiti Kasuratan iti Inaldaw-aldaw”—1994. Maipablaak daytoy iti amin a pagsasao. Mangipatulodkami ti espesial nga order blank nga agpaay iti daytoy a kadua ti Hulio nga statement. Pangaasiyo ta suratanyo, a pagminarenyo ti kasapulanyo iti kada pagsasao, ket isubliyo iti Sosiedad a saan a naladladaw ngem iti Oktubre 1. Ti kontribusion dagiti agibumbunannag isut’ ₱10.00. Maysa a libre a kopia ti maited iti kada espesial ken regular payunir iti listaan manipud Hulio 1, 1993. Dagiti ekstra a kopia kadagiti payunir isut’ ₱5.00. Masapul a makiddaw ti kredito iti isu met laeng a wagas a kas kadagiti Yearbook.