Dagiti Pakaammo
◼ Literatura a tukon iti Enero: CEBUANO, ILOKO, PANGASINAN KEN TAGALOG: Ti Katan-okan a Tao a Nagbiag Pay Laeng iti ₱60.00. BICOL: The Truth That Leads to Eternal Life iti ₱4.00. INTSIK: Your Youth—Getting the Best Out of It; Good News to Make You Happy; wenno Survival Into a New Earth iti ₱4.00. HILIGAYNON KEN SAMAR-LEYTE: Good News to Make You Happy iti ₱4.00. Pebrero: Mabalinyo ti Agbiag nga Agnanayon iti Paraiso a Daga, dakkel nga edision iti ₱60.00, bassit nga edision iti ₱30.00. Marso: Apocalipsis—Ti Grande a Tampokna Asidegen! iti ₱60.00. Abril ken Mayo: Makatawen a suskripsion iti Ti Pagwanawanan iti ₱80.00. NOTA: Dagiti kongregasion a saan pay a nagpedido kadagiti nasao ditoy ngato a maikampania a pagbasaan ti masapul a mangaramiden iti sumaruno a binulan a Literature Request Form (S-14).
◼ Kas agminar ditoy ngato, iti daytoy a bulan itukontayo dagiti dadduma a daan a libro babaen ti napalaka a presio iti masinunuo a pagsasao. Pangaasiyo ta siputanyo a dagidiay laeng publikasion a nailista ditoy ngato ti masapul a maitukon iti napalaka a gatad a ₱4.00. Makaala dagiti payunir iti kopia a ₱1.00 ti kada maysa. Agkiddaw dagiti kongregasion ti kredito nga agpadpada iti payunir ken agibumbunannag no ipatulodda ti Remittance and Credit Request form (S-20) iti ngudo ti Enero.
◼ Iti Bicol, kas naisingasing iti Disiembre a Ti Ministeriotayo iti Pagarian, paregtaenmi amin nga itukonda ti libro a Truth iti espesial a gatad agraman ti “Look!” a broshur iti kontribusion a ₱10.00.
◼ Iti Enero isut’ tiempo a mapabaro ti petsa dagiti Medical Directives and Identity Cards nga agpaay ti 1994. Kasta met, amin a kabbaro a bautisado a miembro iti kongregasion ti maipaayan iti kard, agraman met dagiti di bautisado a minor nga agtutubo dagiti Saksi a nagannak. Pangaasi ti sekretario ta repasuenna iti surat kadagiti amin a kongregasion a napetsaan ti Nobiembre 1, 1991 no kasano a masuratan dagitoy a kard, ken ipaayan dagiti amin nga agkasapulan kadagitoy. No kasapulan, agpedidokayo pay manipud ti Sosiedad.
◼ Ti rambak iti Memorial ti maaramidto iti Sabado, Marso 26, 1994, kallennek ti init. Nupay ti palawag ket mairugi a nasapsapa, pangaasiyo ta laglagipenyo a ti panangipasa iti tinapay ken arak ti Memorial ket masapul a saan a mangrugi agingga a makalnek ti init. Awan ti sabali a gimong ti maaramid iti dayta nga aldaw. Aniaman a gimong a gagangay a maaramid iti dayta nga aldaw ti maiyiskediol iti sabali nga aldaw ti lawas. Dagiti imbitasion ti Memorial iti maipatulod kadagiti kongregasion apaman a maimalditda.
◼ Ti espesial a palawag iti publiko ti 1994 isut’ maited iti sangalubongan inton Domingo, Abril 10. Ti suheto isut’ “Pinaay Kadi ti Relihion iti Natauan a Sosiedad?” Maipatulod ti pagsurotan iti umiso a tiempo. Dagiti kongregasion a nairana ti bisita iti manangaywan ti sirkito, asamblea iti sirkito, wenno aldaw ti espesial nga asamblea iti dayta a ngudo ti lawas iti mangaramid ti espesial a palawag iti sumaruno a lawas. Awan ti kongregasion iti maaddaan ti espesial a palawag sakbay iti Abril 10.
◼ Baro nga Iskediol iti Panagadal ti Libro iti Kongregasion: Mangrugi iti lawas ti Marso 7-13, 1994, dagiti Cebuano, Iloko, ken Tagalog a kongregasion ti mangrugi a mangadal iti libro a Panangparagsak ti Biag ti Pamiliayo kadagiti panagadal ti libro iti kongregasion. Amin a kongregasion ti masapul a mangipatulod iti pedidoda a madagdagus tapno adda umdas nga agpaay ti kakabsat a mausar iti panagadal. Ti material ket agsasaruno a maimaldit iti Hiligaynon nga Agriingkayo! nga usaren dagiti Hiligaynon a kongregasion, mangrugi iti Pebrero 8, 1994 a ruar, gapuna a siguruenda ti maaddaan iti umdas a pedido ti Agriingkayo! a magasina iti kada kabsat a mausarda ti panagadal iti libro ti kongregasion.
◼ Uppat-a-Kolor a Magasina: Mangrugi iti Enero 1 ken 8, 1994 a ruar, Ti Pagwanawanan ken Agriingkayo! ti maimalditen iti uppat a kolor ditoy Pilipinas. Indonar dagiti sanga ti Switzerland ken Denmark dagiti tallo a pagimprintaan a makina ditoy sanga ti Pilipinas a maipaay iti daytoy a panggep. Masiguromi nga ipakita dagiti amin ti panangipategda babaen iti lalo pay a panangigaed a mangiwaras kadagiti napintas ken makaited-biag a magasinatayo.