Dagiti Pakaammo
◼ Literatura a tukon iti Pebrero: Mabalinyo ti Agbiag nga Agnanayon iti Paraiso a Daga, dakkel nga edision iti ₱60.00, bassit nga edision iti ₱30.00. Marso: Apocalipsis—Ti Grande a Tampokna Asidegen! iti ₱60.00. Abril ken Mayo: Makatawen a suskripsion iti Ti Pagwanawanan iti ₱80.00. NOTA: Dagiti kongregasion a saan pay a nagpedido kadagiti nadakamat iti ngato a maikampania a literatura ti masapul a mangaramiden iti daytoy iti sumaruno a binulan a Literature Order Form (S-AB-14).
◼ Masapul a repasuen ti sekretario ken manangaywan ti serbisio ti aktibidad dagiti regular payunir iti kongregasion. Iti ngudo ti Pebrero, masapul a nakaireportdan iti 500 nga oras a maipaay iti tawen ti serbisio. No adda marigatan a mangragpat iti kasapulan nga oras, masapul nga iyurnos dagiti panglakayen ti maipaay a tulong. Kadagiti singasing, repasuenyo ti surat iti Sosiedad (S-201) a napetsaan iti Disiembre 1, 1994.
◼ Iti Domingo, Pebrero 19, addanto miting kadagiti amin nga agplano nga ag-auxiliary payunir iti Marso, Abril, ken Mayo. Maparegta dagiti amin a tumabuno. Ti manangaywan iti serbisio ti mangimaton iti miting ket siguruenna nga adda umdas a nakasagana nga aplikasion iti auxiliary payunir.
◼ Iti ngudo dagiti gimong ti kongregasion agraman asamblea ti sirkito ken aldaw ti espesial nga asamblea a programa inton Abril 23, 1995, maaramid ti maysa nga anunsio maipapan iti espesial a trabaho a naituyang babaen ti nalawa a pannakaiwaras iti uppat ti pinanidna a tract a naglaon iti naintiempuan a mensahe. Maparegta dagiti agibumbunannag a mangted iti espesial nga asikaso kadagiti nasingpet ti panagpuspusoda a tattao a serioso a mangisarming kadagiti nakaal-alingget a problema a naipasango kadakuada ken agsapsapul iti mapagtalkan a panangidalan. Tunggal agibumbunannag, agraman agdadamo a mangrugi a rummuar iti tay-ak ti serbisio bayat iti Marso, Abril, ken Mayo, agmayatda koma a makipaset a naan-anay ken mangted suportar iti daytoy nga espesial a kampania.
◼ Baro a Publikasion a Maalan:
Nagkaykaysa iti Panagdayaw iti Maymaysa a Pudno a Dios—Bicol, Pangasinan, Samar-Leyte
No Adda Matay nga Ay-ayatenyo (Agibumbunannag ken publiko: ₱6.00; payunir: ₱4.00)—Bicol, Cebuano, Iloko, Ingles, Insik, Pangasinan, Samar-Leyte, Tagalog