Dagiti Pakaammo

◼ Literatura a tukon iti Marso: Ti baro a libro a Pannakaammo a Mangiturong iti Biag nga Agnanayon iti ₱20.00. Abril ken Mayo: Makatawen a suskripsion Ti Pagwanawanan iti ₱120.00. Hunio: Pannakaammo a Mangiturong iti Biag nga Agnanayon iti ₱20.00. PALAGIP: Masapul nga iramanen dagiti kongregasion a saan pay a nagpedido kadagiti nadakamat iti ngato a maikampania a literatura iti sumaruno a binulan a Literature Order Form (S-AB-14).

◼ Manipud Abril, ited dagiti manangaywan ti sirkito ti palawag publiko a napauluan ti “Agtalekkayo iti Dios ti Amin a Liwliwa” no agbisitada kadagiti kongregasion.

◼ Usisaen ti mangidaulo a manangaywan wenno ti asinoman a tudinganna ti kuenta ti kongregasion iti Marso 1 wenno iti kabiitan no mabalin kalpasanna. Mayanunsio iti kongregasion no naaramiden daytoy.

◼ Kas nayanunsio iti Enero a Ti Ministeriotayo iti Pagarian, maidatag ti espesial a palawag publiko iti daytoy a tawen kadagiti kaaduan a kongregasion inton Abril 21. Napauluan ti palawag iti “Agtalinaed nga Awan Pakapilawanna iti Tengnga ti Nakillo a Kaputotan.” Naisangsangayan koma a maikagumaan nga awisen dagidiay tumabuno iti Memorial inton Abril 2.

◼ Masapul nga iyawat dagidiay agpalplano nga ag-auxiliary payunir iti Abril ken Mayo dagiti aplikasionda a nasapa iti komite ti serbisio. Tumulong daytoy kadagiti panglakayen a mangammo no mano dagiti auxiliary payunir bayat dagitoy nga espesial a bulbulan tapno mayurnosda ti umdas a teritoria ken abasto a literatura.

◼ Kas panagsagana para iti Memorial inton Abril 2, maparegta ti amin a makidanggay iti eskediul ti panagbasa ti Biblia manipud Marso 28 aginggat’ Abril 2. Agpadpada nga agparang ti eskediul iti 1996 Calendar ken ti Panangsukimat Kadagiti Kasuratan iti Inaldaw-aldaw—1996.

◼ Baro a Videocassette a Maalan:

The New World Society in Action (Maysa a repaso iti historiko a 1954 a pelikula iti isu met laeng a titulo. Publiko ken Agibumbunannag: ₱300.00; Payunir: ₱240.00.)—Ingles