Repaso iti Teokratiko nga Eskuelaan ti Panagministro
Siseserra ti libro a repaso iti material a nasaklaw iti paspaset ti Teokratiko nga Eskuelaan ti Panagministro bayat dagiti lawas ti Mayo 6 ingganat’ Agosto 19, 1996. Usarem ti sabali a papel a pangisuratam iti sungbatmo kadagiti saludsod a kabaelam a sungbatan bayat ti naituding a tiempo.
[Tandaanan: Bayat ti maisurat a repaso, mabalin a mausar ti Biblia a pangsungbat iti aniaman a saludsod. Dagiti reperensia a sumaruno kadagiti saludsod maipaayda iti personal a panagsukimatmo. Ti numero dagiti panid ken parapo nalabit a saanda nga agparang kadagiti amin a reperensia Ti Pagwanawanan.]
Sungbatanyo ti tunggal maysa kadagiti sumaganad a sasao iti Pudno wenno Ulbod:
1. Bassit man wenno adu ti kabaelantayo nga ited, Nainkasuratan ti panagregget a mangkiddaw iti pribilehio a tumulong kadagiti matalek a Kristiano a kakabsattayo nga agkasapulan kadagiti kasapulan iti biag. (2 Cor. 8:1-4) [jv-IL p. 314 par. 1]
2. Ti ‘Gog iti Magog’ ti simboliko a panangtukoy kadagiti gobierno daytoy a lubong. (Ezeq. 38:2) [Linawas a panagbasa iti Biblia; kitaenyo ti w91-IL 8/15 p. 27 par. 2.]
3. No kasano a ni Ahola ti inauna a kabsat a babai ni Aholiba, kas nailadawan iti Ezequiel kapitulo 23, kasta met ti Romano Katolisismo isu ti inauna a kabsat a babai ti Protestantismo, ket dagitoy a dua nga organisasion minulitanda ti bagbagida babaen ti pannakikamalalada iti naespirituan iti nakomersialan ken napolitikaan a pannakabalin ti lubong. [Linawas a panagbasa iti Biblia; kitaenyo ti w89-IL 4/1 30.]
4. Immadu ti bilang dagiti Saksi ni Jehova agingga iti punto a linab-awanda ti populasion ti pinullo nga indibidual a nasnasion. [jv-IL p. 278 par. 2]
5. Ni Cornelio ti immuna a Gentil a nagbalin a Kristiano. [it-1 p. 513 par. 3, 4]
6. Agtunos ti Santiago 4:17 ken Ezequiel 33:7-9, a mangipakpakita a ti pannakaammo iti kalikaguman ti Dios kadatayo ti mamagbalin kadatayo a manungsungbat kenkuana. [Linawas a panagbasa iti Biblia; kitaenyo ti w93-IL 4/1 p. 7 par. 1.]
7. Pinaneknekan ni Daniel ti bagina a maysa a pudno a mammadto babaen ti panangilawlawagna iti kaipapanan ti ladawan iti tagtagainep kalpasan a dineskribir ni Ari Nabucodonosor dayta kenkuana. [Linawas a panagbasa iti Biblia; kitaenyo ti Daniel 2:7-9, 26.]
8. Ti danum nga agay-ayus manipud iti templo iti sirmata a nadeskribir idiay Ezequiel 47:1 iladawanna ti mangdalus a pannakabalin ti bautismo. [Linawas a panagbasa iti Biblia; kitaenyo ti w88-IL 9/15 p. 27 par. 20.]
9. Ti pagarigan ni Balaam agserbi a pakdaar kadagiti amin a nasukir ken agtultuloy a di mangikankano iti pagayatan ti Dios bayat ti panangitultuloyda iti inaagum a pagimbaganda. (Judas 11) [it-1 p. 244 par. 4]
10. Ti matalek a sekretario ni mammadto Jeremias a naikarian iti pannakaitalimeng iti pannakalakub ken pannakadadael ti Jerusalem isu ni Ebed-melec. [it-1 p. 259 par. 5]
Sungbatanyo dagiti sumaganad a saludsod:
11. Kadagiti ania a pamay-an nga impakita ni Charles Taze Russell nga impapusona dagiti sasao ni Jesus maipapan iti panangbirok nga umuna iti Pagarian? (Mat. 6:33) [jv-IL p. 284 par. 1]
12. Ania a di mailibak nga ebidensia ti ipaay dagiti kombension dagiti Saksi ni Jehova? [jv-IL p. 254 par. 2, 3]
13. Kadagiti ania a pamay-an a dagiti napulotan a Saksi ni Jehova ken dagiti kakaduada agbalinda a kas ken Ezequiel? (Ezeq. 11:25) [Linawas a panagbasa iti Biblia; kitaenyo ti w88-IL 9/15 p. 16 par. 3.]
14. Apay a saan a naituloy dagiti nailasin a gimong agpaay kadagiti agtutubo iti kongregasion idi 1938? [jv-IL p. 246 par. 1]
15. Kadagiti ania a pamay-an a tinulad ni Reina Atalia ti inana, ni Jezebel? [it-1 p. 209 par. 3]
16. Ania ti kaipapanan ti nadibinuan a nagan a Jehova? [kl-IL p. 25 par. 7]
17. No agrigat ti maysa a pudno a Kristiano, asino ti addaan kangrunaan a rebbengen a mangipaay iti material a tulong, ket ania ti Nainkasuratan a pakaibatayan ti sungbatyo? [jv-IL p. 305 par. 1]
18. Asino ti nangsandi ken Noemi iti pannakiasawa ken Boaz iti panagasawa ti agbayaw? [it-1 p. 347 par. 8]
19. Ania a mammadto ti nangtukoy iti daga a “nagtimbukel,” ket sadino iti Kasuratan ti nakailanadan daytoy? [kl-IL p. 17 par. 14]
20. Ania ti kaipapanan ti panangbirok nga umuna iti Pagarian? [jv-IL p. 295 par. 1]
Ipaayyo ti sao wenno dagiti sao a kasapulan a mangan-anay iti tunggal maysa kadagiti sumaganad nga ebkas:
21. Kas kaitungpalan ti Ezequiel 21:26, ti “natan-ok” a pagarian ti ․․․․․․․ ‘naipababa’ babaen ti pannakadadaelna idi ․․․․․․․, ket ti “nababa” a pagpagarian dagiti ․․․․․․․ “naitan-okda,” a nangipalubos kadakuada a mangtengngel iti daga nga awan ti panangsinga ti tipiko a ․․․․․․․ ti Dios. [Linawas a panagbasa ti Biblia; kitaenyo ti w88-IL 9/15 p. 19 par. 16.]
22. Paset ti libro a ․․․․․․․ ti talaga a ․․․․․․․ a naisurat nga immun-una, a nangipamaysa iti panagsalisal ti puersa dagiti dadakkel a dinastia bayat ti adu a siglo. [si-IL p. 138 par. 1]
23. Ti ebkas a “ti adipenko a ni David” idiay Ezequiel 34:23 naisurat mabayag pay sakbay ti ipapatay ni ․․․․․․․; dayta ti naimpadtuan a sasao ket tuktukoyenna ni ․․․․․․․. [si-IL p. 137 par. 31]
24. Iti nagbaetan ti Enero 1946 ken Agosto 1948, nangipaay ti ili ni Jehova iti ․․․․․․․ ken ․․․․․․․ kadagiti Saksi nga agnanaed iti agarup 18 a pagilian a naapektaran ti ․․․․․․․. [jv-IL p. 308 par. 3, 4]
25. Nagteng dagiti napateg a naespirituan nga irarang-ay idi 1931 idi inanamongantayo ti nagan a ․․․․․․․, idi 1935 idi nailasin ti ․․․․․․․, idi 1950 idi nairuar ti ․․․․․․․, ken idi 1962 idi nakorehir ti pannakaawattayo maipapan ․․․․․․․. [jv-IL p. 260 par. 3–p. 264 par. 2]
Pilienyo ti umiso a sungbat iti tunggal maysa kadagiti sumaganad a sasao:
26. Ti kapadasan ni (Abigail; Dorcas; Dina) iyilustrarna ti kinapudno ti prinsipio idiay 1 Corinto 15:33. [it-1 p. 627 par. 3]
27. Pinarmek ni Ciro ti siudad ti (Jerusalem; Babilonia; Nineve) babaen ti panangyakarna iti ayus ti danum ti Karayan (Tigris; Jordan; Eufrates) tapno makastrek dagiti tropana iti siudad. [it-1 p. 567 par. 1]
28. Jose ti naited a naganna, ngem gapu iti kinamanangngaasi ken kinamanagparaburna, isut’ naglatak a kas (Andres; Barnabas; Bartolome), a kaipapananna “Anak ti (Ladingit; Rag-o; Liwliwa).” [it-1 p. 257 par. 3, 4]
29. Ni Belsasar, ti inauna nga anak a lalaki ni (Ciro; Nabonidus; Nabucodonosor), dinakamat laeng ni (Ezequiel; Daniel; Isaias) iti salaysay ti Biblia, ket maitunos dagiti ebidensia ti arkeolohia iti salaysay ti historia. [it-1 p. 282 par. 11]
30. Ti pannakarbek ti Babilonia impadto da (Daniel ken Oseas; Joel ken Amos; Isaias ken Jeremias). [kl-IL p. 18 par. 17]
Itupagyo dagiti sumaganad a kasuratan kadagiti sasao a nailista iti baba:
2 Cron. 14:2-5; Sal. 78:40, 41; Isa. 55:10, 11; Dan. 1:8, 11-13; 1 Cor. 9:16
31. Tapno maipaganetget ti kinapateg ti trabaho a panangasaba, kinuna ti maysa a Pagwanawanan idi 1949: “Pinagbalin ni Jehova a ti panangasaba nga isut’ kapatgan a trabaho a mabalin a pakiramanan ti asinoman kadatayo ditoy a lubong.” [1 Cor. 9:16] [jv-IL p. 292 par. 5]
32. Saan koma nga agkedked dagiti agtutubo a Kristiano a mangipakaammo a siraraem kadagiti autoridad ken kadagiti padada nga estudiante a saanda a labsingen ti nadiosan a konsiensiada. [Dan. 1:8, 11-13] [Linawas a panagbasa iti Biblia; kitaenyo ti w92-IL 11/1 p. 14 par. 17.]
33. Ti orihinal a panggep ti Dios para iti sangatauan ken ti daga maibanagto. [Isa. 55:10, 11] [kl-IL p. 9 par. 10]
34. Dagiti matalek nga adipen ni Jehova situtured a busorenda ti apostasia ket sipipinget nga agtrabahoda a mangitandudo iti pudno a panagdayaw. [2 Cron. 14:2-5] [it-1 p. 183 par. 11, 12]
35. Adda rikna ti Dios, ket ti panagpili nga aramidentayo napateg kenkuana. [Sal. 78:40, 41] [kl-IL p. 14 par. 8]