Dagiti Pakaammo

◼ Literatura a tukon iti Setiembre: Life—How Did It Get Here? By Evolution or by Creation?, dakkel nga edision iti ₱60.00, bassit nga edision iti ₱30.00. (Kadagidiay di makabasa iti Ingles, ti libro nga Agbiag nga Agnanayon ti mabalin nga itukon kas kasukat.) Oktubre: Makatawen a suskripsion Ti Pagwanawanan wenno Agriingkayo! iti ₱120.00. Nobiembre: Pannakaammo a Mangiturong iti Biag nga Agnanayon iti ₱20.00. Disiembre: New World Translation iti Ingles wenno Ti Nasantuan a Kasuratan a kadua Ti Biblia—Saot’ Dios wenno iti Tao? iti ₱100.00. PALAGIP: Dagiti kongregasion a saan pay a nagpedido kadagiti maikampania a publikasion a nadakamat iti ngato masapul nga agpedidodan iti sumaruno a binulan a Literature Order Form (S-AB-14).

◼ Mangrugi iti Oktubre, ipaay dagiti manangaywan iti sirkito ti palawag publiko a napauluan “Nasungdo a Kongregasion iti Sidong ti Panangidaulo ni Kristo” no agbisitada kadagiti kongregasion.

◼ Usigen ti mamangulo a manangaywan wenno asinoman a dutokanna ti kuenta ti kongregasion iti Setiembre 1 wenno di agbayag kalpasanna aginggat’ mabalin. Mayanunsio iti kongregasion no naaramiden daytoy.

◼ Mapalagipan dagiti panglakayen a mangsurot kadagiti instruksion a naipaay iti panid 21-3 ti Abril 15, 1991, a Pagwanawanan, maipapan iti siasinoman a nailaksid wenno naisina a nalabit agtarigagay nga agsubli.