Dagiti Pakaammo
◼ Literatura a tukon iti Oktubre: Makatawen a suskripsion iti Pagwanawanan wenno Agriingkayo! iti ₱120.00. Nobiembre: Pannakaammo a Mangiturong iti Biag nga Agnanayon iti ₱20.00. Disiembre: New World Translation iti Ingles wenno Ti Nasantuan a Kasuratan a kadua Ti Biblia—Saot’ Dios wenno iti Tao? iti ₱100.00. Enero: Bassit nga edision ti libro nga Agbiag nga Agnanayon iti nalaklaka a kontribusion a ₱20.00. (Kitaenyo ti pakaammo iti baba.) PALAGIP: Dagiti kongregasion a saan pay a nagpedido kadagiti maikampania a publikasion a nadakamat iti ngato masapul nga agpedidodan iti sumaruno a binulan a Literature Order Form (S-AB-14).
◼ Inton Enero itukontayo ti bassit nga edision ti libro nga Agbiag nga Agnanayon iti nalaklaka a gatad. Maala daytoy dagiti payunir iti ₱15.00. Amin a pedido iti daytoy a libro a maawat manipud Setiembre 1, 1996 ket masingir iti gatad a ₱20.00 kadagiti kongregasion. Kasta met, para iti aniaman kadagitoy a libro nga adda iti stock ti kongregasionyo iti Setiembre 1 ken agparang iti Literature Inventory (S-18) iti dayta a petsa, ikissay ti Sosiedad iti kuentayo ti ₱10.00 iti kada libro. Iti kasta, dagidiay laeng naala dagiti payunir ti kredito a kasapulan a kiddawen dagiti kongregasion. Nupay kasta, no agkiddawkayo iti pioneer credit, pangngaasiyo ta ilistayo dagitoy a libro iti benneg a “Pocket-size books” iti S-20 Remittance and Credit Request form.
◼ Kadawyanna, ti Nobiembre ken Disiembre ket nasayaat a bulbulan a pannakiraman iti panag-auxiliary payunir. Nasapa koma nga iyawat dagidiay agngayngayangay nga agpayunir ti aplikasionda tapno makaaramid dagiti panglakayen kadagiti maikanatad nga urnos iti literatura ken teritoria.
◼ Tangay gagangay a piesta opisial ti Nobiembre 1, nasayaat a tiempo daytoy a mangiyurnos iti espesial a panagiwaras iti magasin. Adu ti maseknan maipapan kadagiti natay a patpatgenda iti Oktubre 31 ken Nobiembre 1, isut’ gapuna a nasayaat nga usaren ti tract nga Aniat’ Namnama Kadagiti Ing-ingungoten a Natayen? agraman ti broshur a No Adda Matay nga Ay-ayatenyo no mangasaba kadagiti balbalay wenno iti sementerio kadagitoy nga aldaw. Mainayon pay, maitutop unay iti daytoy a tiempo ti artikulo nga “Inton Agbiag Manen Dagiti Natay” iti Oktubre 15, 1996 a Pagwanawanan.
◼ Naipakuyog iti daytoy a ruar ti Ti Ministeriotayo iti Pagarian ti “Theocratic Ministry School Schedule for 1997” ket maidulin koma a kas reperensia iti las-ud ti 1997.
◼ Magun-odanen ti Watchtower Library—1995 Edition iti CD-ROM ket mabalinyo ti agpedido iti kontribusion a ₱300.00. Daytoy ti kasukat ti 1993 nga edision ken naglaon iti amin nga edision ti The Watchtower manipud 1950 agingga iti 1995 agraman amin a ruar ti Awake!, Our Kingdom Ministry, libro, bokleta, broshur, ken tract manipud 1970 agingga iti 1995. Tapno mausar daytoy CD-ROM, masapul nga addaankayo kadagiti sumaganad: IBM-PC compatible computer nga addaan iti 80386 wenno naparpartak a microprocessor; maikapet a CD-ROM drive; di nakurkurang ngem dua a megabytes ti RAM (uppat a megabytes ti mairekomenda); lima a megabytes ti free hard disk space; maysa a VGA wenno nangatngato a resolution color wenno monochrome monitor; mabalin nga usaren ti Windows 3.1, Windows 95, wenno Windows NT 3.51 para iti Intel operating system. Mabalin met nga usaren iti OS/2 operating system.