Dagiti Pakaammo

◼ Literatura a tukon iti Disiembre: New World Translation iti Ingles wenno Ti Nasantuan a Kasuratan a kadua Ti Biblia—Saot’ Dios wenno iti Tao? iti ₱100.00. Enero: Bassit nga edision ti libro nga Agbiag nga Agnanayon iti nalaklaka a kontribusion a ₱20.00. (Kitaenyo ti pakaammo iti Oktubre a Ti Ministeriotayo iti Pagarian.) Pebrero: Life—How Did It Get Here? By Evolution or by Creation?, dakkel nga edision iti ₱60.00, bassit nga edision iti ₱30.00. Kadagiti teritoria a di makasao iti Ingles, maitukon ti bassit nga edision ti libro nga Agbiag nga Agnanayon iti nalaklaka a kontribusion a ₱20.00. Marso: Baro a publikasion a mairuar iti kombension distrito. PALAGIP: Dagiti kongregasion a saan pay a nagpedido kadagiti maikampania a publikasion a nadakamat iti ngato masapul nga agpedidodan iti sumaruno a binulan a Literature Order Form (S-AB-14).

◼ Usigen ti mamangulo a manangaywan wenno asinoman a dutokanna ti kuenta ti kongregasion iti Disiembre 1 wenno di agbayag kalpasanna aginggat’ mabalin. Mayanunsio iti kongregasion no naaramiden daytoy.

◼ Nasken a mangaramid dagiti amin nga agibumbunannag iti masnup nga urnos a makiraman iti serbisio iti tay-ak iti rugrugi pay laeng ti Disiembre. No, gapu iti itatabuno iti kombension wenno panagbakasion, ket adayokayo iti kongregasionyo iti agtapus ti Disiembre, siguraduenyo nga ited iti sekretario ti reportyo sakbay a pumanawkayo. No napasnek ti amin a mangited iti reportda a nasapa, maaddaantayo iti kompleto a report para iti Disiembre.

◼ Tangay tallo nga aldaw laeng ti kombension distrito ita a tawen, saan a kasapulan a kanselaren ti Panagadal ti Kongregasion iti Libro iti lawas ti kombension.

◼ Kontribusion iti Kombension Distrito: Kayatmi nga ipalagip iti tunggal maysa nga amin a gastos iti kombension, a pakairamanan ti abang dagiti pasilidad, panangipatakder iti entablado, ken ti public address system, ket masupsuportaran nga interamente iti boluntario a kontribusionyo. Ammomi nga amin a tumabuno ket adda iti panunotda daytoy. Mabalin nga ipisok dagiti kontribusion kadagiti kahon ti kontribusion a maipaay kadagiti kombension.—Kitaenyo ti parapo 13 iti suplemento ti Nobiembre, 1996 a Ti Ministeriotayo iti Pagarian.

◼ 1997 a Teksto ti Tawen: Ti teksto ti tawen para iti 1997 ket naadaw iti Salmo 143:10: “Isuronak a mangaramid iti pagayatam.” Ikapet koma dagiti amin a kongregasion daytoy baro a teksto kadagiti Kingdom Hall-da iti Enero 1, 1997.

◼ Panangatur: Iti Agosto, 1996 a Ti Ministeriotayo iti Pagarian, kamali ti ₱20.00 a naited a gatad ti 1997 a kalendario. Rebbeng koma a ₱25.00. Pangngaasiyo ta siguraduenyo nga agkontribusion dagiti kakabsat iti kastoy a gatad, ta daytoy ti masingirto iti kongregasion.

◼ Baro a Compact Disc a Magun-odan:

Kingdom Melodies on Compact Disc, Tomo 1. (Daytoy ti umuna kadagiti walo a Compact Disc a naglaon iti isu met laeng a musika iti Kingdom Melodies No. 1 iti audiocassette. ₱90.00 ti kontribusion para kadagiti agibumbunannag ken payunir.)