Dagiti Pakaammo
◼ Literatura a tukon iti Enero: Bassit nga edision ti libro nga Agbiag nga Agnanayon iti nalaklaka a kontribusion a ₱20.00. Pebrero: Life—How Did It Get Here? By Evolution or by Creation?, dakkel nga edision iti ₱60.00, bassit nga edision iti ₱30.00. Kadagiti teritoria a di makasao iti Ingles, maitukon ti bassit nga edision ti libro nga Agbiag nga Agnanayon iti nalaklaka a kontribusion a ₱20.00. Marso: Baro a publikasion a nairuar iti kombension distrito. Abril ken Mayo: Makatawen a suskripsion Ti Pagwanawanan iti ₱120.00. PALAGIP: Dagiti kongregasion a saan pay a nagpedido kadagiti maikampania a publikasion a nadakamat iti ngato masapul nga agpedidodan iti sumaruno a binulan a Literature Order Form (S-AB-14).
◼ Ti Enero isut’ tiempo a panangpabaro kadagiti Medical Directive and Identity Card-tayo para iti 1997. Kasta met, maipaayan koma iti kard dagiti amin a kababautisar a miembro ti kongregasion, agraman dagiti di bautisado a minor de edad nga ubbing dagiti nagannak a Saksi. Pangngaasi ti sekretario ta repasuenna ti surat kadagiti amin a kongregasion a napetsaan iti Nobiembre 1, 1991 no kasano a masuratan dagitoy a kard, ket ikkanna iti kard dagiti amin nga agkasapulan bayat ti Gimong ti Serbisio iti lawas ti Enero 13-19. No kasapulan, agpedidokayo iti Sosiedad iti ad-adu pay a kard.
◼ Mangaramid koman dagiti kongregasion kadagiti urnos iti pannakarambak ti Memorial iti daytoy a tawen iti Domingo, Marso 23, kalpasan ti ilelennek ti init. Nupay mabalin a mangrugi a nasapsapa ti palawag, sa la maipasa dagiti emblema ti Memorial no nakalneken ti init. Tangay awan dagiti gimong a maangay iti dayta nga aldaw, maaramid koma ti maitutop a panangbaliw iti tiempo a pannakaangay ti Panagadal iti Pagwanawanan. Kasapulan a baliwan dagiti manangaywan ti sirkito ti eskediul ti gimong iti lawas sigun iti lokal a kasasaad. Nupay tarigagayan ti kada kongregasion a rambakan ti Memorial a bukbukodda, mabalin a saan a kanayon a posible daytoy. No adu a kongregasion ti agus-usar iti maymaysa a Kingdom Hall, nalabit makagun-od ti maysa wenno ad-adu pay a kongregasion iti sabali a pasilidad nga usarenda iti dayta a rabii. Saan koma a naladaw unay a mangrugi ti Memorial tapno kombiniente a tumabuno dagiti interesado a tattao. Saan met koma nga agaassideg unay ti eskediul nga awanen ti tiempo sakbay wenno kalpasan ti selebrasion a mangkablaaw kadagiti sangaili, mangasikaso iti naespirituan a kasapulan dagiti interesado a tattao, wenno agpipinnaregta. Kalpasan ti naan-anay a panangusig iti amin a bambanag, rumbeng nga ikeddeng dagiti panglakayen no ania nga urnos ti kasayaatan kadagiti amin a tumabuno. Maipatulod kadagiti kongregasion dagiti imbitasion ti Memorial no nayimprentan.
◼ Ti espesial a palawag publiko para iti 1997 ket maipaayto iti intero a lubong iti Domingo, Abril 6, 1997. Natemaan daytoy iti “Agbalinkayo a Nadalus Manipud Kadagiti Nailubongan a Pakatulawan.” Maipaayto ti pagsurotan iti tumutop a tiempo. Kadagiti kongregasion a maranaan ti bisita ti manangaywan ti sirkito, asamblea sirkito, wenno aldaw ti espesial nga asamblea iti dayta a ngudo ti lawas, maipaay ti espesial a palawag iti sumaruno a lawas, inton Abril 13. Awan ti kongregasion a maaddaan iti daytoy nga espesial a palawag sakbay ti Abril 6.
◼ Sipapanunot koma ti bagi dagiti panglakayen a dagiti sumaganad a panagbalbaliw ket kasapulan no tumabuno dagiti kongregasion kadagiti lokal nga asamblea: No mayeskediul ti programa iti aldaw ti espesial nga asamblea, amin dagiti gagangay a gimong ti kongregasion ket maangay iti las-ud ti lawas, malaksid iti Palawag Publiko ken Panagadal iti Pagwanawanan a makanselar. No nakaeskediul a tumabuno iti asamblea sirkito, kanselaren met ti kongregasion ti Teokratiko nga Eskuelaan ti Panagministro ken ti Gimong ti Serbisio; ti laeng Panagadal ti Kongregasion iti Libro ti maangay iti las-ud dayta a lawas.