Dagiti Pakaammo

◼ Literatura a tukon iti Pebrero: Life—How Did It Get Here? By Evolution or by Creation?, ₱60.00 ti dakkel nga edision, ₱30.00 ti bassit nga edision. Kadagiti teritoria a di makasao iti Ingles, maitukon ti bassit nga edision ti libro nga Agbiag nga Agnanayon iti nalaklaka a kontribusion a ₱20.00. Marso: Ti baro a libro a Ti Sekreto ti Kinaragsak iti Pamilia iti ₱20.00. Abril ken Mayo: Makatawen a suskripsion Ti Pagwanawanan iti ₱120.00. PALAGIP: Dagiti kongregasion a saan pay a nagpedido kadagiti maikampania a publikasion a nadakamat iti ngato masapul nga agpedidodan iti sumaruno a binulan a Literature Order Form (S-AB-14).

◼ Repasuen ti sekretario ken ti manangaywan iti serbisio ti naaramidan dagiti amin a regular pioneer iti kongregasion. Iti agtapus ti Pebrero, nakaireportda koman iti agarup 500 nga oras iti daytoy a tawen serbisio. No adda marigatan a mangragpat iti makiddaw nga oras, ipaay koma dagiti panglakayen ti kasapulan a tulong. Para kadagiti singasing, repasuenyo ti surat ti Sosiedad a napetsaan iti Disiembre 15, 1996.

◼ Iti Domingo, Pebrero 16, addanto miting dagiti amin nga agpalplano nga ag-auxiliary pioneer iti Marso, Abril, ken Mayo. Maparegta ti amin a tumabuno. Idaulo ti manangaywan iti serbisio ti miting ken siguraduenna nga adda umdas nga aplikasion para iti auxiliary pioneer. Dagidiay agpalplano nga ag-auxiliary pioneer kadagitoy tallo a bulan agplanoda koma itan ken iyawatda a nasakbay dagiti aplikasionda.

◼ Dagiti Baro a Publikasion a Maala:

Ti Sekreto ti Kinaragsak iti Pamilia—Bicol, Cebuano, Hiligaynon, Iloko, Ingles, Insik, Pangasinan, Samar-Leyte, Tagalog, Vietnamese

Ania ti Kalikaguman ti Dios Kadatayo?—Bicol, Cebuano, Hiligaynon, Iloko, Ingles, Insik, Pangasinan, Samar-Leyte, Tagalog, Vietnamese

◼ Baro a Compact Disc a Maala:

Kingdom Melodies on Compact Disc, Tomo 2. (Ti linaonna a musika agpadada iti Kingdom Melodies No. 2 iti audiocassette. Presio para kadagiti agibumbunannag ken payunir: ₱90.00.)