Repaso iti Teokratiko nga Eskuelaan ti Panagministro
Siseserra ti libro a repaso iti material a nasaklaw iti paspaset ti Teokratiko nga Eskuelaan ti Panagministro bayat dagiti lawas ti Enero 6 ingganat’ Abril 21, 1997. Usarem ti sabali a papel a pangisuratam iti sungbatmo kadagiti saludsod a kabaelam a sungbatan bayat ti naituding a tiempo.
[Tandaanan: Bayat ti maisurat a repaso, mabalin a mausar ti Biblia a pangsungbat iti aniaman a saludsod. Dagiti reperensia a sumaruno kadagiti saludsod maipaayda iti personal a panagsukimatmo. Ti numero dagiti panid ken parapo nalabit a saanda nga agparang kadagiti amin a reperensia Ti Pagwanawanan.]
Sungbatanyo ti tunggal maysa kadagiti sumaganad a sasao iti Pudno wenno Ulbod:
1. Adu a tawtawen sakbay ti pannakaipasdek ti Watchtower Bible School of Gilead, naiyeg iti ganggannaet a tay-ak ti naimbag a damag babaen kadagiti Saksi a nakaammo iti kinapudno iti ganggannaet a daga ken nagsubli kadagiti pagilianda tapno mangasaba. [jv-IL p. 428 par. 2]
2. Inabak ni Gedeon dagiti Madianita gapu iti kapadasanna iti militar. [it-1 p. 933 par. 1-2]
3. Kas kaitungpalan ti Zacarias 9:2-4, ti Tiro naan-anay a dinadael ni Nabucodonosor. [si-IL p. 169 par. 4]
4. Umiso ni Eva idi kinunana a nagun-odna ti anak a lalaki (ni Cain) “gapu ken Jehova.” (Gen. 4:1) [it-1 p. 772 par. 2]
5. Nupay nalatak ni C. T. Russell kas nasaguday a pumapalawag iti publiko, ti napasnek nga interesna kadagiti tattao ti namagbalin kenkuana nga epektibo nga ebanghelisador. [jv-IL p. 404 par. 2]
6. Ti nangisit a rasa saan a naggapu iti anak ni Cam a ni Canaan, nga inlunod ni Noe. [it-1 p. 1023 par. 5]
7. Mairaman kadagiti “kalding” a nadakamat idiay Mateo 25:31-46, nga agsagabanto iti agnanayon a pannakagessat, isu dagiti agbalin nga aktibo a miembro iti Babilonia a Dakkel ken dagiti pangulo ti relihionda. [Linawas a panagbasa iti Biblia; kitaenyo ti w95-IL 10/15 p. 26 par. 13-15.]
8. Kas resulta ti nakaro a pannakaidadanes idiay Europa, adut’ binassitan ti bilang dagiti agibumbunannag sadiay bayat ti Gubat Sangalubongan II. [jv-IL p. 454 par. 2]
9. Ti panangpakawan iti sabsabali wayaanna ti panangpakawan ti Dios kadagiti basoltayo. [Linawas a panagbasa iti Biblia; kitaenyo ti w94-IL 9/15 p. 7.]
10. Ni Gabriel maysa kadagiti dua laeng a matalek nga anghel a dinakamat ti Biblia a nainaganan. [it-1 p. 876 par. 5]
Sungbatanyo dagiti sumaganad a saludsod:
11. Ania a makaatrakar a pamay-an ti nausar sadi Londres, Inglatera, idi 1938 a mangyawis iti palawag iti kombension a “Face the Facts”? [jv-IL p. 447 par. 2]
12. Ania ti dua nga akem a nagsaadan ni Jesu-Kristo a nadeskribir idiay Zacarias 6:12, 13? [si-IL p. 172 par. 25]
13. Ti urnos a panagkontribusion dagiti kongregasion iti Kingdom Hall Fund ti Sosiedad ket maysa a pagarigan ti aplikasion ti ania a prinsipio? [jv-IL p. 344 par. 3-4]
14. Kadagiti ania a pamay-an a magunggonaan dagiti tao iti daton ni Jesus iti daytoy a tiempo? [kl-IL p. 68-9 par. 17-19]
15. Apay a ditay agkedked a mangilawlawag kadagiti bumalay a ti trabahotayo masuportaran babaen kadagiti boluntario a donasion? [jv-IL p. 349 par. 4]
16. Iti ania a pamay-an a ni “mammadto nga Elias” nagparang idi umuna a siglo, kas kaitungpalan ti Malakias 4:5? [si-IL p. 174 par. 15]
17. Kasano a nagsaknap ti basol kadagiti amin a tao? [4, kl-IL p. 58 par. 13]
18. Sadino iti libro ni Mateo ti pakasarakantayo iti nagsayaat a balakad nga inted ni Jesus iti panangrisut kadagiti nakaro a parikut? [Linawas a panagbasa iti Biblia; kitaenyo ti w95-IL 7/15 p. 22.]
19. Ania ti “denario” a nadakamat iti pangngarig ni Jesus a nailanad idiay Mateo 20:1-16? [Linawas a panagbasa iti Biblia; kitaenyo ti gt-IL 97 par. 6.]
20. Ilistayo ti dua a banag a napaneknekan babaen ti panangipalubos ti Dios iti kinadakes. [kl-IL p. 77-8 par. 18-20]
Ipaayyo ti sao wenno dagiti sao a kasapulan a mangan-anay iti tunggal maysa kadagiti sumaganad nga ebkas:
21. Dagiti umuna a tallo nga Ebanghelio masansan a maawaganda a sinoptiko, a kaipapananna “․․․․․․․․.” [si p. 175 par. 3]
22. Kinaagum ti nangtignay ken ․․․․․․․․, ti katulong ni Eliseo, a nangpadas a magunggonaan iti material gapu iti panangpaimbag ti apona iti kukutel ni ․․․․․․․․. [it-1 p. 905 par. 2]
23. Gaput’ panagkedked a mangipangag iti pakdaar manipud kadagiti hepe ti puersa militar, ni ․․․․․․․․ pinapatay ni Ismael ken dagiti tattaona. [it-1 p. 903 par. 12]
24. Inusar ni Jehova da mammadto ․․․․․․․․ ken ․․․․․․․․ a mangparegta iti ilina a mangibangon manen iti templo. [it-1 p. 1018 par. 4-5]
25. Ti “espiritu” a sumina kadagiti tao no matayda isu ti ․․․․․․․․ a naggapu iti Dios. (Sal. 146:4) [kl-IL p. 81 par. 5-6]
Pilienyo ti umiso a sungbat iti tunggal maysa kadagiti sumaganad a sasao:
26. Adda pammaneknek nga insurat ni Mateo ti Ebangheliona iti (Hebreo; Aramaico; Griego) ket sana impatarus kalpasanna iti (Hebreo; Aramaico; Griego) [si-IL p. 176 par. 6]
27. Ni (Jezebel; Sara; Hagar) ti nailadawan iti simboliko a drama isu a nangirepresentaranna iti nainlasagan a nasion ti Israel, a nakapukaw iti pabor ni Jehova. [it-1 p. 1018 par. 2]
28. Adu a taga Laud nga Africa ti damo a nakaammo iti kinapudno babaen kadagiti makaawis a diskurso ti Biblia ni (Edwin Skinner; W. R. Brown; Juan Muniz). [jv-IL p. 433 par. 2-5]
29. Ti natangsit a panangikagumaan ni (Haman, Hamath; Hanun) a mangikisap kadagiti Judio pinaay ni Reina (Ruth; Ester; Debora). [it-1 p. 1024 par. 2]
30. Nagbalin a Mesias ni Jesus idi (pannakaipasngayna; pannakabautisarna; panagungarna), a napasamak idi tawen (2 K.K.P.; 29 K.P.; 33 K.P.). [kl-IL p. 65 par. 12]
Itupagyo dagiti sumaganad a kasuratan kadagiti sasao a nailista iti baba:
1 Sam. 1:12-16; Mat. 4:8-10; Mat. 16:19; Sant. 1:13; 1 Juan 5:19
31. Ti Dios saan nga isu ti pagtataudan ti nagadu a pakarigatan a mangsapsaplit iti sangatauan. [Sant. 1:13] [kl-IL p. 71 par. 3]
32. Agkedked dagiti pudno a pasurot ni Jesus a makinamin iti napolitikaan nga ar-aramid daytoy a lubong. [Mat. 4:8-10] [Linawas a panagbasa iti Biblia; kitaenyo ti w96-IL 5/1 p. 12 par. 9.]
33. Ti pannakaammo maipapan iti Pagarian ti Dios lukatanna ti gundaway dagiti Judio, Samaritano, ken Gentil a mapan idiay langit. [Mat. 16:19] [Linawas a panagbasa iti Biblia; kitaenyo ti w91-IL 3/15 p. 5.]
34. No adda okasion a di umiso ti panangipato ti maysa kadatayo, ti napakumbaba a kababalin ken ti nadayaw a sungbat ti gagangay a mangibanag iti kadadakkelan a pagimbagan. [1 Sam. 1:12-16] [it-1 p. 1031 par. 5]
35. Adda naimbag a rason dagiti Kristiano nga agtalinaed a naisina iti lubong. [1 Juan 5:19] [kl-IL p. 60 par. 18]