Dagiti Pakaammo
◼ Literatura a tukon iti Marso: Maitukon ti libro a Pannakaammo iti ₱25.00. Kadagiti bumalay nga addaanen iti daytoy a libro, mabalinyo nga itukon ti libro a Kinaragsak iti Pamilia iti isu met laeng a kontribusion. Abril ken Mayo: Makatawen a suskripsion ti Pagwanawanan iti ₱120.00. Hunio: Aniaman kadagiti libro a Katan-okan a Tao iti ₱75.00 wenno ti Panangbiruk ti Sangatauan iti Dios iti ₱40.00. PALAGIP: Dagiti kongregasion a saan pay a nagpedido kadagiti maikampania a publikasion a nadakamat masapul nga agpedidodan iti sumaruno a binulan a Literature Order Form (S-AB-14).
◼ Ti mamangulo a manangaywan wenno siasinoman a dinutokanna masapul nga usigenna ti kuenta ti kongregasion iti Marso 1 wenno di agbayag kalpasanna aginggat’ mabalin. Mayanunsio iti kongregasion no naaramiden daytoy.
◼ Mangrugi iti Abril, ipaay dagiti manangaywan iti sirkito ti palawag publiko a napauluan “Agtalek iti Pannakabalin ni Jehova a Mangisalakan” no bisitaenda dagiti kongregasion.
◼ Adu ti abastotayo nga audiocassette a naglaon iti Ingles a broshur a Kalikaguman. Nasayaat daytoy a pangisuro kadagiti ubbing wenno kadagidiay marigatan nga agbasa. Makaparagsak met a denggen iti pagtaengan. Ti kontribusion iti daytoy ket ₱60.00 ken ₱55.00 iti payunir.
◼ Gapu iti panagpababa ti gatad ti pisos iti nabiit, ngumina amin a literatura mangrugi iti Marso 1, 1998. Dagiti laeng literatura ti apektaran daytoy; saan a ngumina dagiti magasin ken suskripsion. Mapatulodan ti kada kongregasion iti uppat a kopia ti baro a Watch Tower Publications List a mangipakita kadagiti baro a presio. Saggaysa a kopia ti maited iti mangay-aywan iti literatura, mangay-aywan iti magasin, ken iti adipen ti kuenta, ken maysa iti file ti kongregasion. Pangngaasiyo ta dadaelenyo amin nga immun-una nga edision ti Watch Tower Publications List tapno maliklikan ti pannakariro.
◼ Idi Enero 1, 1998, adda Special Literature Inventory form a naipatulod iti kada kongregasion a nairagpin iti surat kadagiti Panglakayen. Pangngaasiyo ta suratanyo daytoy a pormas inton Pebrero 28 kalpasan ti aktual a panangbilangyo iti amin a literatura nga adda kadakayo, sa isubliyo ti maysa a kopia iti Sosiedad a saan a naladladaw ngem Marso 6. Inton maawat dagitoy a pormas iti sanga nga opisina, ti Sosiedad singirenna ti kongregasion iti ngimmatuan ti gatad dagiti literatura nga adda kadakayo manipud Pebrero 28, 1998.
◼ Rumbeng nga agplano itan dagiti agibumbunannag nga agtarigagay nga ag-auxiliary pioneer iti Abril ken Mayo sa itedda a nasakbay ti aplikasionda. Daytoy ti tumulong kadagiti panglakayen tapno makaaramidda kadagiti nasken nga urnos iti tay-ak ti serbisio ken addanto umdas a magasin ken dadduma pay a literatura. Mayanunsio koma iti kongregasion ti nagnagan dagiti amin a naaprobaran nga ag-auxiliary pioneer.