Repaso iti Teokratiko nga Eskuelaan ti Panagministro
Siseserra ti libro a repaso iti material a nasaklaw iti paspaset ti Teokratiko nga Eskuelaan ti Panagministro bayat dagiti lawas ti Enero 5 ingganat’ Abril 20, 1998. Usarem ti sabali a papel a pangisuratam iti sungbatmo kadagiti saludsod a kabaelam a sungbatan bayat ti naituding a tiempo.
[Tandaanan: Bayat ti maisurat a repaso, mabalin a mausar ti Biblia a pangsungbat iti aniaman a saludsod. Dagiti reperensia a sumaruno kadagiti saludsod maipaayda iti personal a panagsukimatmo. Ti numero dagiti panid ken parapo nalabit a saanda nga agparang kadagiti amin a reperensia Ti Pagwanawanan.]
Sungbatanyo ti tunggal maysa kadagiti sumaganad a sasao iti Pudno wenno Ulbod:
1. Iti Aramid 15:29, ti komento a “Naimbag a salun-at kadakayo,” ket maysa a kari a mangipamatmat a, ‘No adaywam ti dara ken ti pannakiabig, maaddaanka iti nasaysayaat a salun-at.’ [Linawas a panagbasa iti Biblia; kitaenyo ti w91-IL 6/15 p. 9 par. 7 ftn.]
2. Ti nakaro a pannakaseknan iti naespirituan a pagimbagan dagiti Kristiano a taga Corinto ti nangtignay ken Pablo a mangisurat iti umuna a suratna kadakuada bayat ti maikadua a panagdaliasatna kas misionero. [si-IL p. 210 par. 3]
3. Nupay pinaneknekan a mismo ni Josafat nga isut’ maysa nga ari a nagtalek ken ni Jehova, isut’ di nainsiriban a nakitimpuyog ken Ahab iti pannakiasawa. [it-1 p. 1271 par. 11; p. 1272 par. 1]
4. Ti sao a “simony,” a nagtaud iti pasamak a nairekord idiay Aramid 8:9-24, tuktukoyenna ti aramid a mahika. [Linawas a panagbasa iti Biblia; kitaenyo ti w90-IL 6/1 p. 17 par. 8.]
5. Iti Roma 8:6, 7, ti “lasag” tuktukoyenna ti natnag a kasasaadtayo kas imperpekto a tattao a nakatawid iti kinamanagbasol. [Linawas a panagbasa iti Biblia; kitaenyo ti w91-IL 3/1 p. 21 par. 4.]
6. Maitunos iti Efeso 5:33, ti nauneg a panagraem ti asawa a babai iti asawana dina kayat a sawen a saanna a mayebkas dagiti opinionna, nangnangruna no adda mangburibor kenkuana. [kl-IL p. 144 par. 12-13]
7. Ni Jetro, maysa a padi iti Madian, ti nangisingasing ken Moises iti maysa a sistema a panangyallatiw iti autoridad. [it-2 p. 73 par. 2]
8. No kasano a saan a nalawag a naawatan ti panggep ti Dios a mangiserrek kadagiti Gentil iti kongregasion agingga nga aktual a nakita dagiti apostol ti mapaspasamak a kaitungpalan ti padto, dagiti Saksi ni Jehova bigbigenda a ti pannakaawatda kadagiti sumagmamano a bambanag adda panagbalbaliwna bayat a mangipapaay ti Dios iti progresibo a pannakalawlawag. [jv-IL p. 629 par. 4-5]
9. Iti Aramid 20:20, ti ebkas a “balaybalay” tuktukoyenna laeng dagiti panangipastor nga isasarungkar kadagiti pagtaengan dagiti kapammatian agsipud ta ipakita ti konteksto a kasasao ni Pablo dagiti panglakayen iti kongregasion. [Linawas a panagbasa iti Biblia; kitaenyo ti w91-IL 1/15 p. 11 par. 5.]
10. No sanayentayo ti pusotayo a mangapresiar kadagiti naespirituan a bambanag, nga ikararagtay ti espiritu ti Dios a tumulong kadatayo itoy a banag, ngarud maliklikantayo ti “panangpampanunot iti lasag.” (Roma 8:6, 7) [Linawas a panagbasa iti Biblia; kitaenyo ti w91-IL 3/1 p. 21 par. 5.]
Sungbatanyo dagiti sumaganad a saludsod:
11. Ania a salaysay iti libro ti Aramid ti mangipakita a saan nga umdas ti pannakagun-od laeng iti Sao ti Dios ken ti personal a panangbasa iti dayta tapno maaddaan iti umiso a pannakaammo a mangiturong ti maysa iti dalan ti biag? [Linawas a panagbasa iti Biblia; kitaenyo ti w91-IL 9/1 p. 19 par. 16.]
12. Ania ti ipamatmat ti kinapudno nga insurat ni Pablo: “Dagiti adda nga agtuturay impasdek ti Dios kadagiti relatibo a saadda”? (Roma 13:1) [kl-IL p. 131 par. 7]
13. Iti Aramid 11:26, apay nga usaren ti Baro a Lubong a Patarus ti ebkas a “dagiti adalan babaen ti nadibinuan a panangiwanwan naawaganda iti Kristiano,” idinto ta dagiti dadduma a patarus ti Biblia saanda nga iraman ti ideya a “nadibinuan a panangiwanwan”? [Linawas a panagbasa iti Biblia; kitaenyo ti w90-IL 6/1 p. 19 par. 19.]
14. Ania a natibker a pammati dagiti Saksi ni Jehova ti manggutugot kadakuada nga agbalin a naregta a manangibunannag ken manangiwaras iti Biblia? [jv-IL p. 603 par. 3]
15. Ania a kita ti personal a panagadal ti iparparegta ti Aramid 17:11? [si-IL p. 205 par. 38]
16. Iti suratna kadagiti Kristiano idiay Roma, ania ti sititibker a pinaneknekan ni Pablo maipapan kadagiti Judio ken di Judio? [si-IL p. 206 par. 2]
17. Sigun iti Roma 12:2, kasano kasaknap a mabalbaliwan ti personalidad dagiti Kristiano babaen iti pannakabalin ti Sao ti Dios? [Linawas a panagbasa iti Biblia; kitaenyo ti w90-IL 4/1 p. 16 par. 3.]
18. Ania ti “sagrado a palimed” a dinakamat ni Pablo idiay Roma 11:25? [Linawas a panagbasa iti Biblia; kitaenyo ti w83-IL 8/15 p. 16 par. 16.]
19. Apay a nainkalintegan nga ilaksid ti kongregasion Kristiano dagiti di agbabawi a managbasol? (1 Cor. 5:11, 13) [Linawas a panagbasa iti Biblia; kitaenyo ti g96-IL 9/8 p. 27 par. 2-3.]
20. Kasano a ti panangibunton iti umap-apuy a beggang iti ulo ti kabusor makatulong a mangparmek iti dakes? (Roma 12:20, 21) [Linawas a panagbasa iti Biblia; kitaenyo ti g86-IL 6/22 p. 6 par. 5.)
Ipaayyo ti sao wenno sasao a kasapulan a mangan-anay iti tunggal maysa kadagiti sumaganad nga ebkas:
21. Inlawlawag ni Felipe iti eunuko nga Etiope no kasano a natungpal ti padto iti ․․․․․․․․, ket idi nalawlawagan, daytoy sipapakumbaba a kiniddawna a ․․․․․․․․. (Ara. 8:28-35) [si-IL p. 204 par. 33]
22. Idi napagdedebatean ti maipapan iti ․․․․․․․․, sinuportaran ni ․․․․․․․․ ti pangngeddengna babaen ti panagkunana: “Maiyannugot itoy a sasao dagiti Mammadto, kas iti adda a naisurat.” (Ara. 15:15-18) [Linawas a panagbasa iti Biblia; kitaenyo ti si-IL p. 204 par. 33.]
23. Ti kari ni Isaias a ti “ramut ni Jesse” sitatakder nga “agpaay a maysa a wagayway kadagiti inilin-ili” isu a “sapulento” dagiti nasion ket natungpal ken ․․․․․․․․. (Isa. 11:10) [it-2 p. 51 par. 13]
24. Sigun iti ilustrasion ni Pablo iti simboliko a kayo nga olibo iti Roma kapitulo 11, kas dagiti 12 a tribu ti Israel a nagtaud ken Abraham babaen ken Isaac, kasta met ti 12 a simboliko a tribu iti ․․․․․․․․ nagtaudda ken ․․․․․․․․ babaen ken ․․․․․․․․. [Linawas a panagbasa iti Biblia; kitaenyo ti w84-IL 2/15 p. 13 par. 15.]
25. Idi Hulio 1917, kalpasan ti ipapatay ni Russell, nga inruar ti Watch Tower Society ti libro a ․․․․․․․․ maysa a komentario maipapan iti ․․․․․․․․ ken ․․․․․․․․ agraman ․․․․․․․․. [jv-IL p. 647 par. 2]
Pilienyo ti umiso a sungbat iti tunggal maysa kadagiti sumaganad a sasao:
26. Babaen iti diskursona idiay Aramid kapitulo 17, nataktika nga impasdek ni Pablo ti (kinasoberano; kinalinteg; ayat) ti sibibiag a Dios. [Linawas a panagbasa iti Biblia; kitaenyo ti si-IL p. 204 par. 37.]
27. Ni (Pablo; Pedro; Lucas) sibabara a kinomendaranna dagiti tattao a taga-(Berea; Macedonia; Jerusalem), nga inawaganna ida a “nataktakneng.” (Ara. 17:11) [Linawas a panagbasa iti Biblia; kitaenyo ti w95-IL 5/1 p. 14 par. 3.]
28. Ti ulbod, wenno kinaulbod, a nadakamat iti Roma 1:25 tuktukoyenna ti (idolatria; narugit a seksual nga ar-aramid; ti panagulbod). [Linawas a panagbasa iti Biblia; kitaenyo ti it-2 p. 245 par. 2.]
29. Idi 1878, ni C. T. Russell ken dagiti kakaduana napasanguanda iti dakkel a pannakasubok ti pammati ken kinasungdoda iti Sao ti Dios. Ti isyu idi ket (ti pakailasinan ti “matalek ken masirib nga adipen”; ti di makita a kaadda ni Jesus; ti pateg ti daton a lasag ken dara ni Jesus). [jv-IL p. 619 par. 3]
30. Insurat ni Pablo ti umuna a suratna kadagiti taga Corinto bayat nga adda idiay (Roma; Efeso; Corinto) idi agarup (52; 55; 56) K.P. [si-IL p. 210 par. 3]
Itupagyo dagiti sumaganad a kasuratan kadagiti sasao a nailista iti baba:
Sal. 73:28; Prov. 24:3; Isa. 65:13; Ara. 10:34, 35; 2 Cor. 12:7-9
31. Kas ad-adipenna, matmatantay koma dagiti tattao iti amin a puli a kas iti panangmatmat ni Jehova. [Linawas a panagbasa iti Biblia; kitaenyo ti w88-IL 5/15 p. 16 par. 6.]
32. Mangipaay iti Biblia kadagiti prinsipio a kas kadagiti remienta a tumulong iti maysa a mangibangon iti naragsak a pamilia. [kl-IL p. 140 par. 3]
33. Dagidiay nga umadani ken Jehova sagrapenda ti pudno a kinaragsak ken talna ti panunot. [kl-IL p. 150 par. 3]
34. Iti intero a historia, impaay ni Jehova ti naespirituan a taraon iti ilina kas maysa a grupo. [kl-IL p. 162 par. 6]
35. Mabalin nga ipalubos ni Jehova ti makasuot a kasasaad nga agtultuloy iti apagbiit, ngem pudno a sumungbat kadagiti kararag ken ammona ti kasayaatan a tiempo a panangaramid iti kasta. [kl-IL p. 156 par. 15]