Dagiti Pakaammo
◼ Literatura a tukon iti Agosto: Mabalin nga itukon ti aniaman kadagiti broshur iti ₱7.50, ngem paregtaenmi dagiti amin nga itampokda a nangnangruna ti baro a broshur a Libro Para iti Amin a Tao. Setiembre: Ti libro a Pannakaammo iti ₱25.00. Oktubre: Makatawen a suskripsion Ti Pagwanawanan wenno Agriingkayo! iti ₱120.00. Nobiembre: Ti libro a Pannakaammo iti ₱25.00. PALAGIP: Dagiti kongregasion a saan pay a nagpedido kadagiti maikampania a publikasion a nadakamat masapul nga agpedidodan iti sumaruno a binulan a Literature Order Form (S-AB-14).
◼ Umawatto ti kada kongregasion iti dua a pormas ti Literature Inventory (S-18) a mairagpin iti statement ti kuentada iti Hunio. Pangngaasiyo ta aktual a bilangenyo amin a literatura nga adda kadakayo agingga iti Agosto 31, 1998 sa kompletuenyo a suratan dagiti pormas, nga isubliyo ti orihinal iti Sosiedad a saan a naladladaw ngem Setiembre 6. Idulinyo ti duplicate.
◼ Urnosen ti sekretario ti kongregasion dagiti report iti serbisio a maiserrek iti Congregation Analysis Report form (S-10). Isurona met a naimbag ti asinoman a panglakayen wenno ministerial nga adipen a mabalin a tumulong kenkuana a mangurnos iti report. Daytoy ti mangipasiguro iti umiso a panangirekord iti impormasion a kasapulan manipud kadagiti Publisher Record card (S-21). Rumbeng a masuratan a siuumiso ken nadalus ti Congregation Analysis Report ken siaannad nga usisaen ti service committee.
◼ Masapul nga ipatulod itan iti Sosiedad dagiti pedido iti Panangsukimat Kadagiti Kasuratan iti Inaldaw-aldaw—1999 ken 1999 a kalendario. Mangipatulodkami iti special order blank iti kada kongregasion a mairagpin iti statement ti kuenta iti Hunio para kadagitoy dua a banag. Inton maawatyo daytoy, suratanyo sa isubliyo iti Sosiedad a saan a naladladaw ngem Setiembre 6. Ti kontribusion iti Panangsukimat Kadagiti Kasuratan iti Inaldaw-aldaw ket ₱12.50. Maysa a libre a kopia ti maited iti kada special ken regular pioneer iti listaan manipud idi Hulio 1, 1998, ket agkiddaw ti kongregasion iti credit para iti daytoy iti Remittance and Credit Request form (S-20) inton agbayadda apaman a maawatda dagiti bokleta. Aniaman a kanayonan a kopia a tarigagayan nga alaen dagiti payunir ket bayadanda iti ₱12.50. Awanen ti pioneer rate daytoy. Ti kalendario ket ₱30.00 ken awan pioneer rate daytoy, ken awan met maited a libre kadagiti payunir.
◼ Adda pay tiempo para kadagidiay nakaplano nga ag-regular pioneer inton Setiembre 1, 1998 tapno itedda dagiti aplikasionda. Apaman a maaprobaran dagitoy ti service committee ipatulodda koma a dagus iti Sosiedad tapno maawat ti aprobasion sakbay ti Setiembre 1.
◼ Eskediul ti Panagadal iti Libro ti Kongregasion: Manipud iti lawas ti Setiembre 21 agingga iti lawas ti Oktubre 26, maadalto ti broshur nga Ania ti Kalikaguman ti Dios Kadatayo? kadagiti Panagadal iti Libro ti Kongregasion. Manipud Nobiembre 2 agingga iti Disiembre 14, maadalto ti broshur nga Ania ti Panggep ti Biag? Kalpasanna manipud Disiembre 21 agingga iti Enero 25, maadalto ti broshur a Pudno Aya a Maseknan ti Dios Kadatayo? Agpedido koma amin a kongregasion kadagiti aniaman a kasapulan a literatura tapno addanto pagadalan dagiti amin. Yantangay awan broshur a Panggep ti Biag iti Bicol, Pangasinan, ken Samar-Leyte, agparangto dayta iti serye kadagiti ruar ti Pagwanawanan nga Oktubre 1, Oktubre 15, ken Nobiembre 1, 1998.