Dagiti Pakaammo
◼ Literatura a tukon iti Enero: Maitampok dagiti daan a libro, nangnangruna ti Nagkaykaysa iti Panagdayaw iti Maymaysa a Pudno a Dios iti ₱25.00. Mabalin met nga itukon ti bassit nga edision ti libro nga Agbiag nga Agnanayon iti ₱20.00, no adda. Pebrero: Ti Sekreto ti Kinaragsak iti Pamilia iti ₱25.00. Marso: Ti libro a Pannakaammo iti ₱25.00. Abril ken Mayo: Makatawen a suskripsion Ti Pagwanawanan iti ₱120.00. PALAGIP: Dagiti kongregasion a saan pay a nagpedido kadagiti maikampania a publikasion a nadakamat masapul nga agpedidodan iti sumaruno a binulan a Literature Order Form (S-AB-14).
◼ Mangaramid koman dagiti kongregasion kadagiti urnos iti pannakarambak ti Memorial iti daytoy a tawen inton Huebes, Abril 1, 1999, kalpasan ti ilelennek ti init. Nupay mabalin a mangrugi a nasapsapa ti palawag, sa la maipasa dagiti emblema ti Memorial no nakalneken ti init. Nupay tarigagayan ti kada kongregasion a rambakan ti Memorial a bukbukodda, mabalin a saan a kanayon a posible daytoy. No adu a kongregasion ti agus-usar iti maymaysa a Kingdom Hall, nalabit makagun-od ti maysa wenno ad-adu pay a kongregasion iti sabali a pasilidad nga usarenda iti dayta a rabii.
◼ Ti espesial a palawag publiko para iti tiempo ti Memorial iti 1999 ket maipaayto iti Domingo, Abril 18. Napauluan iti “Napaypayso a Pannakigayyem iti Dios ken iti Kaarruba.” Addanto balabala a maipaay kadagiti agpalawag iti maitutop a tiempo. Kadagiti kongregasion a maranaan ti bisita ti manangaywan ti sirkito, asamblea sirkito, wenno aldaw ti espesial nga asamblea iti dayta a ngudo ti lawas, maipaayto ti espesial a palawag iti sumaruno a lawas. Awan koma ti kongregasion a mangangay iti espesial a palawag sakbay ti Abril 18, 1999.
◼ Yantangay ti Abril ken Mayo ket naisangsangayan a bulbulan iti panagmagasin ken adunto ti ag-auxiliary pioneer iti dayta a tiempo, silalagip koman ti manangaywan iti serbisio ken ti kabsat a mangay-aywan iti magasin ti panagpedido kadagiti kanayonan a magasin nga usaren ti kongregasion. Pangngaasiyo ta agpedidokayon tapno makasangpet dagita iti sanga nga opisina a saan a naladladaw ngem Pebrero 1, 1999. Daytoy ti mangipasigurado a makaawatkayto kadagiti kanayonan a magasin a maigiddan kadagiti regular a pedidoyo.
◼ Eskediul ti Panagadal iti Libro ti Kongregasion: Amin a Cebuano, Hiligaynon, Iloko, ken Tagalog a kongregasion adalendanto manen ti libro a Ti Katan-okan a Tao a Nagbiag Pay Laeng iti panagadal iti libro ti kongregasion a mangrugi iti lawas ti Marso 22-28, 1999. Iti dayta met laeng a lawas, amin a kongregasion ti Bicol, Pangasinan, ken Samar-Leyte adalendanto ti libro a Pannakaammo.
◼ Sursurat a Maiturong iti Makintengnga a Daya: Gapu kadagiti parikut ti seguridad kadagiti Muslim a pagilian, makiddaw nga aniaman a surat manipud kadagiti kongregasion mainaig kadagiti Publisher Record card, kdp., ket maipatulod koma a direkta iti sanga ti Britania wenno iti sanga ti Pilipinas tapno isuda ti mangipatulod idiay Britania. Ingles koma amin a surat no direkta a maipatulod idiay Britania ken maipakita koma a nabatad ti kongregasion nga umawat iti surat. Kalpasanna ti sanga ti Britania ti mangipatulod iti material iti maitutop a kongregasion, ken baliwanda ti aniaman a sasao a mabalin a mamagpeggad kadagiti kakabsat sadiay. Agaplikar daytoy nga urnos idiay Bahrain, Kuwait, Oman, Qatar, Saudi Arabia, ken United Arab Emirates.
◼ Addan iti Sosiedad ti intero a set ti Kingdom Melodies on Compact Discs, Num. 1 agingga iti 8. Mapedido ti tunggal maysa kadagitoy a compact disc iti kontribusion a ₱100.00, wenno mapedido ti intero a set iti ₱800.00.