Dagiti Pakaammo

◼ Literatura a tukon iti Pebrero: Ti Sekreto ti Kinaragsak iti Pamilia iti ₱25.00. Marso: Ti libro a Pannakaammo iti ₱25.00. Abril ken Mayo: Makatawen a suskripsion Ti Pagwanawanan iti ₱120.00. PALAGIP: Dagiti kongregasion a saan pay a nagpedido kadagiti maikampania a publikasion a nadakamat masapul nga agpedidodan iti sumaruno a binulan a Literature Order Form (S-AB-14).

◼ Mangrugi iti lawas ti Marso 22, 1999, maadalto ti libro a Ti Katan-okan a Tao a Nagbiag Pay Laeng kadagiti Panagadal iti Libro ti Kongregasion iti Cebuano, Hiligaynon, Iloko, ken Tagalog. Iti Bicol, Pangasinan, ken Samar-Leyte, maadalto ti libro a Pannakaammo ken Nagkaykaysa iti Panagdayaw. Naglaon daytoy a ruar Ti Ministeriotayo iti Pagarian iti kompleto nga eskediul ti panagadal agingga iti lawas ti Abril 10, 2000. Mabalinyo nga i-xerox dayta sa ikabilyo iti mismo a libroyo tapno adda alisto a pangkitaanyo iti eskediul iti makatawen.

◼ Repasuen koma ti sekretario ken ti manangaywan iti serbisio ti nagapuanan dagiti amin a regular pioneer iti kongregasion mainaig iti serbisioda. Iti ngudo ti Pebrero naabutda koman ti agarup kagudua ti kalatda iti daytoy a tawen serbisio. No adda marigatan a mangabut iti makalikaguman nga orasda iyurnos koma dagiti panglakayen a tulongan ida tapno masupusopanda dayta agingga iti ngudo ti tawen serbisio.

◼ Inton Domingo, Pebrero 14, 1999, addanto miting dagiti amin nga agpalplano nga ag-auxiliary pioneer kadagiti bulan ti Marso, Abril, ken Mayo iti daytoy a tawen. Maparegta amin a tumabuno. Yantangay nagbalinen a 50 ti makiddaw nga oras, di pagduaduaan nga ad-adu ti makabael a makiraman iti daytoy a tawen. Idaulo ti Manangaywan iti Serbisio daytoy a miting ken siguraduenna koma nga adda umdas nga Applications for Auxiliary Pioneer Service.

◼ No di pay naaramid daytoy, kayatmi a palagipan dagiti kongregasion nga agpedidodan kadagiti kanayonan a magasin nga usarenda iti Abril ken Mayo, sigun iti kaadu dagiti ag-auxiliary pioneer kadagita a bulan.

◼ Nangrugi idi Enero 1, 1999, ngimmina dagiti Biblia nga edision ti Philippine Bible Society iti amin a lokal a lenguahe a nagbalinen a ₱200.00 ti maysa.

◼ Baro a Publikasion a Magun-odan:

Ania ti Mapasamak Kadatayo No Mataytayo? (32-panid a broshur)​—Bicol, Cebuano, Hiligaynon, Iloko, Ingles, Insik, Pangasinan, Samar-Leyte, Tagalog

Is There a Creator Who Cares About You? (192-panid a libro; Agibumbunannag ken Publiko: ₱20.00; Payunir: ₱15.00)​—Ingles laeng