Repaso iti Teokratiko nga Eskuelaan ti Panagministro

Siseserra ti libro a repaso iti material a nasaklaw dagiti paset ti Teokratiko nga Eskuelaan ti Panagministro bayat dagiti lawas ti Enero 4 ingganat’ Abril 19, 1999. Usarem ti sabali a papel a pangisuratam iti sungbatmo kadagiti saludsod a kabaelam a sungbatan bayat ti naituding a tiempo.

[Tandaanam: Bayat ti maisurat a repaso, mabalin a mausar ti Biblia a pangsungbat iti aniaman a saludsod. Dagiti reperensia a sumaruno kadagiti saludsod maipaayda iti personal a panagsukimatmo. Ti numero dagiti panid ken parapo nalabit a saanda nga agparang kadagiti amin a reperensia Ti Pagwanawanan.]

Sungbatanyo ti tunggal maysa kadagiti sumaganad a sasao iti Pudno wenno Ulbod:

1. Saan a kanayon nga indiktar ni Jehova a sao por sao ti nairekord iti Biblia. (2 Tim. 3:16) [w97-IL 6/15 p. 5 par. 3]

2. Ti kinatunos ti pamilia ken ti naespirituan nga irarang-ay dagiti annak ket agpannuray nga interamente kadagiti nagannak. (Prov. 22:6) [fy-IL p. 85 par. 19]

3. Gapu ta ti basol ‘kimleb iti ruangan,’ talaga a saan idin a maliklikan ni Cain ti agaramid iti nadagsen a basol. (Gen. 4:7) [Linawas a panagbasa iti Biblia; kitaenyo ti w94-IL 6/15 p. 14 par. 11.]

4. Bayat nga agmataengan ti tin-edyer, natural laeng a maikkan iti dakdakkel a wayawaya nga agpili iti paglinglingayan. [fy-IL p. 73 par. 20]

5. Ti tarigagay a mangparagsak iti Namarsua kadatayo isu ti kasayaatan a pakagutugotan nga agsao a kanayon iti kinapudno. (Prov. 6:17) [g97-IL 2/22 p. 19 par. 4]

6. Tapno ‘dagiti sasao ti ngiwattayo ken ti pampanunot ti pusotayo makaay-ayoda koma ken Jehova’ iti kararag, no mabalbalin ikagumaantay koma ti agaramat kadagiti natayok a sasao. (Sal. 19:14) [w97-IL 7/1 p. 29 par. 4-5]

7. Dagiti bilin, pagalagadan, ken linlinteg ni Jehova a nadakamat iti Genesis 26:5 tuktukoyenna dagidiay adda iti Linteg ti tulag. [Linawas a panagbasa iti Biblia; kitaenyo ti w92-IL 7/1 p. 10 par. 8.]

8. Idi kinuna ni Jesus “ti pammatim pinaimbagnaka,” kas nailanad iti Lucas 8:48, kayatna a sawen a sakbay a mapaimbag daydi a babai a masakit nasken nga ipaduyakyakna ti pammatina ken Jesus kas ti Mesias. [w97-IL 7/1 p. 4 par. 2-4]

9. Maysa ti Genesis 11:1 kadagiti sumagmamano a teksto ti Biblia a nangusar iti sao a “daga” a mangtukoy iti sangatauan nga en heneral, wenno kagimongan ti tao. [g97-IL 1/8 p. 27 par. 3]

10. Nupay awan pakakitaan nga immannugot ni Dina, adda latta basolna iti pannakapukaw ti kinabirhenna. (Gen. 34:1, 2) [Linawas a panagbasa iti Biblia; kitaenyo ti w85-E 6/15 p. 31 par. 4.]

Sungbatanyo dagiti sumaganad a saludsod:

11. Aniat’ imparipirip ni Satanas iti argumento a nailanad iti Genesis 3:1-5? [Linawas a panagbasa iti Biblia; kitaenyo ti w95-IL 7/15 p. 5 par. 1.]

12. Iti Apocalipsis 19:15, aniat’ irepresentar ti “natarumamis nga atiddug a kampilan” a rumrummuar iti ngiwat ni Jesus? [Linawas a panagbasa iti Biblia; kitaenyo ti w90-IL 5/15 p. 4 par. 4.]

13. Aniat’ ipaganetget ti panangipaay ni Moises kadagiti espesipiko a petsa mainaig iti Layus idi kaaldawan ni Noe? [g97-IL 2/8 p. 26 par. 4]

14. Kasano nga “inawagan [ni Abraham] ti nagan ni Jehova”? (Gen. 12:8) [Linawas a panagbasa iti Biblia; kitaenyo ti w89-IL 7/1 p. 20 par. 9.]

15. Iti konteksto, ania ti kayat a sawen ni Jehova idi kinunana ken Pablo: “Umdasen kenka ti di kaikarian a kinamanangaasik”? (2 Cor. 12:9) [w97-IL 6/1 p. 25 par. 3]

16. Aniat’ nabatad a nakatignayan ti asawa ni Lot a tumaliaw, a namagbalin kenkuana a teddek nga asin? (Gen. 19:26) [Linawas a panagbasa iti Biblia; kitaenyo ti w90-IL 4/15 p. 18 par. 10.]

17. Kasanot’ panangmatmat dagiti Kristiano iti panaggatang kadagiti banag a tinakaw? (Ex. 22:1; Jer. 17:11) [Linawas a panagbasa iti Biblia; kitaenyo ti w92-IL 6/15 p. 30 par. 3; p. 31 par. 1, 6-7.]

18. Sigun iti Genesis 33:18, kasano nga impakita ni Jacob a saan nga interesado a makikadua kadagiti Canaanita? [Linawas a panagbasa iti Biblia; kitaenyo ti w95-IL 9/15 p. 21 par. 4.]

19. Kasano a ti inaramid ni Jose a nadeskribir iti Genesis 37:13 katupagna ti inaramid ni Jesus? [Linawas a panagbasa iti Biblia; kitaenyo ti w87-IL 5/1 p. 12 par. 12.]

20. Aniat’ nagdumaan ti Dios ken ti tattao no maipapan iti panagpungtot? [g97-IL 6/8 p. 19 par. 2-3]

Ipaayyo ti sao wenno sasao a kasapulan a mangkompleto iti tunggal maysa kadagiti sumaganad a sasao:

21. Ti panangipabasol iti ․․․․․․․․ a motibo kadagiti sabsabali nga awan ․․․․․․․․ a rason ket katupagna ti panangukom kadakuada. [w97-IL 5/15 p. 26 par. 5]

22. Makita nga autentiko ti libro a Genesis gapu iti ․․․․․․․․ ti linaonna, sa naan-anayna nga ․․․․․․․․ dagiti amin a paset ti naipaltiing a Kasuratan. [si-IL p. 14 par. 8]

23. Dagiti ehemplo da Rehoboam ken Eli matulonganna dagiti nagannak a mangtarus kadagiti ibunga ti nalabes a ․․․․․․․․ wenno nakaro a ․․․․․․․․ iti panangpadakkel iti anak. [fy-IL p. 80-1 par. 9-13]

24. Ti pananggun-od iti ․․․․․․․․ ket maysa a napateg nga addang iti panangpatanor iti nadiosan a ․․․․․․․․. [w97-IL 8/1 p. 4 par. 5]

25. Ti panangipulong iti dakes nga aramid ket pakakitaan ti Nakristianuan nga ayat a naibatay iti prinsipio a maipaay iti ․․․․․․․․, iti ․․․․․․․․, ken iti ․․․․․․․․. [w97-IL 8/15 p. 30 par. 2]

Pilienyo ti umiso a sungbat iti tunggal maysa kadagiti sumaganad a sasao:

26. Ti (nainget; naalumamay; umno) a disiplina ket maysa a pammaneknek iti ayat ti naganak iti anakna. (Heb. 12:6, 11) [fy-IL p. 72 par. 18]

27. Itudo ti Genesis 7:6, 11 ti tawen (2970; 2370; 2020) K.K.P., “idi adda ti layus dagiti danum iti rabaw ti daga.” [Linawas a panagbasa iti Biblia; kitaenyo ti tsart iti si-IL p. 294.]

28. Iti Juan 8:32, ti wayawaya a pampanunoten idi ni Jesus ket wayawaya manipud iti (turay ti Roma; an-anito; basol ken ipapatay). [w97-IL 2/1 p. 5 par. 1]

29. Iti maudi a kaitungpalan ti Genesis 22:18, ti bin-i a tuktukoyenna ket (ni Isaac; dagiti Israelita; ni Jesus ken dagiti 144,000). [Linawas a panagbasa iti Biblia; kitaenyo ti w98-IL 2/1 p. 14 par. 8.]

30. Ti (panagtulnog iti Linteg Mosaico; kinaagpaypayso ti Dios ken ti umno a panagbuteng a mamagpungtot kenkuana; panagbuteng iti pannusa) isu ti nakatulong ken Jose a nangsaranget a sibaballigi iti imoral a pakasulisogan. (Gen. 39:9) [Linawas a panagbasa iti Biblia; kitaenyo ti w81-IL 8/15 p. 7 par. 4.]

Itupagyo dagiti sumaganad a kasuratan kadagiti sasao a nailista iti baba:

Prov. 5:3, 4; 15:22; 20:11; Efe. 5:19; 2 Tim. 3:16

31. Nasken a siguraduen dagiti nagannak a naimpusuan a patien dagiti annakda ti kinapateg ti natakneng ken nadalus a panagbiag. [fy-IL p. 67 par. 8]

32. Nasken ti kompidensial a panagsasarita dagiti nagannak ken dagiti tin-edyer nga annakda tapno agtalinaed a nawaya ti komunikasionda. [fy-IL p. 65 par. 4]

33. Ti tulbek tapno maparang-ay ti panagkanta kadagiti gimong ti kongregasion isu ti kaadda ti nasayaat a kasasaad ti puso. [w97-IL 2/1 p. 27 par. 3]

34. Nasken ti pannakaawat kadagiti pannursuro ti Sao ti Dios, ti Biblia, tapno magun-od ti biag nga agnanayon. [w97-IL 8/15 p. 6 par. 5]

35. Tapno ditay masulisog iti imoralidad, masapul a bigbigentayo a di umiso dayta ken adda dagiti dakes ken napait nga ibungana. [fy-IL p. 93 par. 9]