Dagiti Pakaammo

◼ Literatura a tukon iti Nobiembre: Mabalin nga itukon ti libro a Pannakaammo wenno ti broshur a Kalikaguman. No addaanen dagiti tattao kadagitoy, mabalinyo nga itukon ti libro nga Agbiag nga Agnanayon wenno Creation a kas pangsandi. Disiembre: Ti Biblia a New World Translation agraman ti libro a Pannakaammo iti ₱125.00. Mabalin met nga itukon dagiti libro nga Agbiag nga Agnanayon wenno Saot’ Dios a kas pangsandi. Enero: Nagkaykaysa iti Panagdayaw iti Maymaysa a Pudno a Dios wenno aniaman a sabsabali pay a 192-panid a libro. Pebrero: Ti libro a Kinaragsak iti Pamilia. MAIPALAGIP: Dagiti kongregasion a saan pay a nagpedido kadagiti maikampania a publikasion a nadakamat masapul nga agpedidodan iti sumaruno a binulan a Literature Order Form (S-AB-14).

◼ Pangngaasiyo ta imutektekanyo ti panid 6 daytoy a Ministeriotayo iti Pagarian a ti petsa ti kombension distrito idiay Pili, Camarines Sur ket nayakar iti Disiembre 24-26, 1999 imbes a Disiembre 31 agingga iti Enero 2, 2000.

◼ Plano ti Sosiedad nga iyurnos ti patarus a senias para kadagiti tuleng iti “Naimpadtuan a Sao ti Dios” a Kombension Distrito idiay Quezon City inton Disiembre 31 agingga iti Enero 2, 2000. Maigiddanto daytoy iti Ingles a kombension iti dayta a petsa. Siasinoman a tuleng a makaawat iti sign language tabunuanda koma daytoy a kombension, yantangay awan programa a para kadagiti tuleng iti sabsabali a kombension.

◼ Dagiti agibumbunannag nga agpalplano nga ag-auxiliary pioneer inton Disiembre itedda koma a nasapa dagiti aplikasionda tapno makaaramid dagiti panglakayen kadagiti nasken nga urnos para iti mausar a literatura ken teritoria.