Repaso iti Teokratiko nga Eskuelaan ti Panagministro
Siseserra ti libro a repaso iti material a nasaklaw dagiti paset ti Teokratiko nga Eskuelaan ti Panagministro bayat dagiti lawas ti Mayo 1 ingganat’ Agosto 21, 2000. Usarem ti sabali a papel a pangisuratam iti sungbatmo kadagiti saludsod a kabaelam a sungbatan bayat ti naituding a tiempo.
[Tandaanam: Bayat ti maisurat a repaso, mabalin a mausar ti Biblia a pangsungbat iti aniaman a saludsod. Dagiti reperensia a sumaruno kadagiti saludsod maipaayda iti personal a panagsukimatmo. Ti numero dagiti panid ken parapo nalabit a saanda nga agparang kadagiti amin a reperensia Ti Pagwanawanan.]
Sungbatanyo ti tunggal maysa kadagiti sumaganad a sasao iti Umiso wenno Di Umiso:
1. Ti sungbat ni Gedeon iti di nainkalintegan a pannakiringgor dagiti lallaki ti Efraim ti nangipakita iti kinaalumamay ken kinapakumbabana isu a simmardeng ti di nainkalintegan a panangbabalawda ken nataginayon ti talna. (Oc. 8:1-3) [Linawas a panagbasa iti Biblia]
2. Nupay kinuna ni Manoa a “nakitata ti Dios,” kinaagpaysuanna ti naglasag a pannakangiwat ti Dios, saan ket a ni Jehova a mismo, ti nakitada nga agassawa. (Oc. 13:22) [Linawas a panagbasa iti Biblia; kitaenyo ti w-IL88 5/15 p. 23 par. 3.]
3. Idiay Oc-ocom 5:31, ti sasao a “dagiti agayat kenka” naimpadtuan a tuktukoyenna ti 144,000 nga agtawid iti Pagarian. [si-IL p. 50 par. 28]
4. Awan ti nasarakan a pirpirsay ti libro a Ruth iti Dead Sea Scrolls. [si-IL p. 51 par. 3]
5. Tuktukoyen ti Oc-ocom 21:25 ti panawen a binaybay-an ni Jehova ti nasion ti Israel nga awanan iti aniaman a panangiwanwan. [Linawas a panagbasa iti Biblia; kitaenyo ti w-IL95 6/15 p. 22 par. 16.]
6. Impasimudaag ti ladawan dagiti kerubin iti rabaw ti lakasa ti tulag ti naarian a kaadda ni Jehova, a nadakamat nga “agtugtugaw iti rabaw [wenno iti “nagbabaetan”] dagiti kerubin.” (1 Sam. 4:4, footnote ti New World Translation of the Holy Scriptures—With References.) [Linawas a panagbasa iti Biblia; kitaenyo ti w80 11/1 p. 29 par. 2.]
7. Idi nangan dagiti soldado ni Saul iti dara gapu iti narigat a kasasaadda ngem dida nadusa, impakita daytoy a mabalin nga adda dagiti nainkalintegan a rason iti temporario a pananglabsing iti linteg ti Dios tapno maispal ti biag ti maysa. (1 Sam. 14:24-35) [Linawas a panagbasa iti Biblia; kitaenyo ti w-IL94 4/15 p. 31 par. 7-9.]
8. Nupay inaig ti dadduma ti sao a “panangguyugoy” iti panangmanipular ken kinasikap, mabalin nga iti positibo nga anag, kayuloganna ti panangkombinsir ken panangbalbaliw iti panunot babaen ti umiso, lohikal a panagrason. (2 Tim. 3:14, 15) [w-IL98 5/15 p. 21 par. 4]
9. “Ti supot ti biag” tuktukoyenna ti nadiosan a probision ti pannalaknib ken panangispal, a pakagunggonaan ni David no liklikanna ti basol a panangpapatay iti imatang ti Dios. (1 Sam. 25:29, NW) [Linawas a panagbasa iti Biblia; kitaenyo ti w-IL91 6/15 p. 14 par. 3.]
10. Ti tulag ti Pagarian ken David, a nadakamat iti 2 Samuel 7:16, ket naipamaysa iti kapuonan ti Bin-i nga agturong iti Mesias ken maysa a legal a garantia nga adda aggapu iti kapuonan ni David nga agturay iti “agnanayon.” [Linawas a panagbasa iti Biblia; kitaenyo ti w-IL89 2/1 p. 14 par. 21–p. 15 par. 22.]
Sungbatanyo dagiti sumaganad a saludsod:
11. Ania ti ipanamnama ti Salmo 34:18? [w-IL98 4/1 p. 31 par. 2]
12. Ania ti ipakita ti banag a napanaganan ni Jose iti Bernabe? (Ara. 4:36) [w-IL98 4/15 p. 20 par. 3, footnote.]
13. Apay a sigun iti salaysay ti Biblia, intultuloy ni Eli nga ad-adda a padayawan dagiti annakna a lallaki ngem ni Jehova? (1 Sam. 2:12, 22-24, 29) [Linawas a panagbasa iti Biblia; kitaenyo ti w-IL96 9/15 p. 13 par. 14.]
14. Apay a ti libro a Ruth pabilgenna ti panagtalektayo kadagiti kari ti Pagarian? [si-IL p. 53 par. 10]
15. Sigun iti 1 Samuel 1:1-7, ania a nagsayaat a pagwadan ti impakita ti pamilia ni Samuel? [Linawas a panagbasa iti Biblia; kitaenyo ti w-IL98 3/1 p. 16 par. 12.]
16. Apay a makuna a ‘makaallilaw ti pannakabalin dagiti kinabaknang’? (Mat. 13:22) [w-IL98 5/15 p. 5 par. 1]
17. Kasano nga impakita ti in-inauna a ni Jonatan ti panangbigbigna iti pinulotan ni Jehova a ni David, ket ania ti iladladawan daytoy iti kaaldawantayo? (1 Sam. 18:1, 3, 4) [Linawas a panagbasa iti Biblia; kitaenyo ti w-IL89 1/1 p. 24, 26 par. 4, 13.]
18. Nupay “napalungdo ken nalinteg,” kasano nga ipakita ti libro a Job a di kayat a sawen daytoy a perpekto ni Job? (Job 1:8) [w-IL98 5/1 p. 31 par. 1]
19. Ania ti iparipirip ti sasao nga “umagawakayo a sipipinget”? (Luc. 13:24) [w-IL98 6/15 p. 31 par. 1, 4]
20. Bayat a makipagtrabahotayo iti sabsabali, ania ti napateg a maadaltayo nga ipapusotay koma kas nailanad iti 2 Samuel 12:26-28? [Linawas a panagbasa iti Biblia; kitaenyo ti w-IL93 12/1 p. 19 par. 19.]
Ipaayyo ti sao wenno sasao a kasapulan a mangkompleto iti tunggal maysa kadagiti sumaganad a sasao:
21. Ti nakaro a panangkondenar ni Jehova iti panagdayaw ken Baal ti mangtignay koma kadatayo a mangliklik kadagiti moderno a katupag ti ․․․․․․․․, ․․․․․․․․, ken ․․․․․․․․. (Oc. 2:11-18) [si-IL p. 50 par. 26]
22. Idi kaaldawan ni Samuel nagpatingga ti panawen ․․․․․․․․ ken nangrugi ti panawen ․․․․․․․․ a nakaimatang kamaudiananna iti pannakapukaw ti anamong ni Jehova iti Israel. [si-IL p. 53 par. 1]
23. “ ․․․․․․․․ ” ti kayat a sawen ti nadibinuan a nagan a Jehova, ken ipasimudaagna a kabaelan ni Jehova nga aramiden ti aniaman nga akem a kasapulan tapno maibanagna ․․․․․․․․. [w-IL98 5/1 p. 5 par. 3]
24. Agpada a napaay da Eli ken Saul tangay ․․․․․․․․ ni Eli ket ni Saul nagtignay a ․․․․․․․․ . [si-IL p. 57 par. 27]
25. Ipakita ti pangngarig ni Jesus maipapan iti naimbag a Samaritano a ti pudno a nalinteg a tao ket daydiay saan laeng nga agtulnog kadagiti ․․․․․․․․ ti Dios no di pay ket tuladenna dagiti ․․․․․․․․ . (Luc. 10:29-37) [w-IL98 7/1 p. 31 par. 2]
Pilienyo ti umiso a sungbat iti tunggal maysa kadagiti sumaganad a sasao:
26. Makita ti nalawat’ saklawenna a kalidad ti (kinasirib; pannakabalin; ayat) ni Jehova iti panangpilina iti Moabita a ni (Ruth; Noemi; Orfa), a dati nga agdaydayaw ken (Baal; Kemos; Dagon), a nakomberte iti pudno a relihion ken nagbalin a kapuonan ni Jesu-Kristo. (Mat. 1:3, 5, 16) [si-IL p. 51 par. 1]
27. Nagpatingga ti panawen ti panagturay dagiti ukom idiay Israel idi a nadutokan ni (Samuel; David; Saul) kas ari ket di nagbayag inabakna dagiti (Amonita; Moabita; Filisteo) babaen ti tulong ni Jehova. (1 Sam. 11:6, 11) [Linawas a panagbasa iti Biblia; kitaenyo ti w-IL95 12/15 p. 9 par. 2–p. 10 par. 1.]
28. (Ni apostol Pablo; Ni amana; Da nanang ken lolana) ti nangidaulo a nangisuro ken ni Timoteo “kadagiti nasantuan a sursurat” agingga a nakitada a nagbalin a nagsayaat a misionero ken manangaywan. (2 Tim. 3:14, 15; Fil. 2:19-22) [w-IL98 5/15 p. 8 par. 3–p. 9 par. 5]
29. Ti panagserbi ni (David; Samuel; Jonatan) manipud kinaubingna ti mangparegta koma kadagiti agtutubo nga agserbi itan, ket ti panagtultuloyna agingga iti ipapatayna ti mangpakired koma kadagidiay nakapsuten gapu iti kinalakay wenno kinabaket. [si-IL p. 58 par. 30]
30. Ti panawen a sinaklaw ti 2 Samuel ket manipud (1077 agingga idi agarup 1040; 1077 agingga idi agarup 1037; 1070 agingga idi agarup 1040) K.K.P. [si-IL p. 59 par. 3]
Itupagyo dagiti sumaganad a kasuratan kadagiti sasao a nailista iti baba:
Oc. 11:30, 31; 1 Sam. 15:22; 30:24, 25; 2 Ar. 6:15-17; Sant. 5:11
31. Ipanamnama ni Jehova nga usarennanto dagiti nailangitan a buyotna a mangsalaknib kadagiti tattaona maitunos iti pagayatanna. [w-IL98 4/15 p. 29 par. 5]
32. Adda rebbengen dagiti manangaywan iti kongregasion a mangtungpal kadagiti tulaganda uray no narigat ken nasken nga agsakripisioda no dadduma. [w-IL99 9/15 p. 10 par. 3-4]
33. Agapittayo iti dakkel a gunggona nga aggapu ken Jehova no agtalinaedtayo a natarnaw iti sidong ti pakasuotan. [w-IL98 5/1 p. 31 par. 4]
34. Ti napudno a panagayat iti Dios kalikagumanna ti panagtulnog kadagiti nadiosan a bilin ken saan laeng a panagdaton kenkuana. [Linawas a panagbasa iti Biblia; kitaenyo ti w-IL96 6/15 p. 5 par. 1.]
35. Apresiaren unay ni Jehova dagidiay tumultulong iti organisasionna kadagitoy nga aldaw. [Linawas a panagbasa iti Biblia; kitaenyo ti w-IL86 9/1 p. 28 par. 4.]