Dagiti Pakaammo

◼ Literatura a tukon iti Enero: Mabalin nga itukon ti aniaman kadagiti daan a 192-panid a libro. No naibusanen dagiti kongregasion iti aniaman kadagitoy a libro, mabalin nga itukon ti libro a Kinaragsak iti Pamilia. Pebrero: Life​—How Did It Get Here? By Evolution or by Creation? No saan a gagangay a maar-aramat ti Ingles, mabalin nga itukon ti libro a Kinaragsak iti Pamilia a kasukatna. Marso: Maitampok ti libro a Pannakaammo ken ikagumaan ti mangipasdek iti panagadal iti Biblia iti pagtaengan. Abril ken Mayo: Indibidual a kopia ti Pagwanawanan ken Agriingkayo! Itukon kadagiti interesado a tattao ti broshur a Kalikaguman, ken ikagumaan ti mangirugi iti panagadal iti Biblia iti pagtaengan.

◼ Mangaramid koman dagiti kongregasion kadagiti urnos iti pannakarambak ti Memorial iti daytoy a tawen inton Domingo, Abril 8, 2001, kalpasan ti ilelennek ti init. Nupay mabalin a mairugi a nasapsapa ti palawag, sa la maipasa dagiti emblema ti Memorial no limneken ti init. Nupay nasaysayaat koma no kada kongregasion ket rambakanda ti Memorial iti bukodda, mabalin a saan a kanayon a posible daytoy. No adu a kongregasion ti agus-usar iti maymaysa a Kingdom Hall, nalabit makagun-od ti maysa wenno ad-adu pay a kongregasion iti sabali a pasilidad nga usarenda iti dayta a rabii.

◼ Maipaay inton Domingo, Abril 1, 2001, ti espesial a palawag publiko para iti tiempo ti Memorial iti 2001. Napauluan dayta iti “Siasino ti Maisalakan?” Iti naikeddeng a tiempo, maitedto ti outline para kadagiti agpalawag. Kadagiti kongregasion a mairana ti bisita ti manangaywan ti sirkito, asamblea sirkito, wenno aldaw ti espesial nga asamblea iti dayta a ngudo ti lawas, maipaayto ti espesial a palawag iti sumaruno a lawas. Awan koma ti kongregasion a mangangay iti espesial a palawag sakbay ti Abril 1, 2001.

◼ Yantangay ti Abril ken Mayo ket naisangsangayan a bulbulan iti panagmagasin ken adunto ti ag-auxiliary pioneer iti dayta a tiempo, ti manangaywan iti serbisio ken ti kabsat a mangas-asikaso iti magasin agpedidoda koman kadagiti kanayonan a magasin nga usaren ti kongregasion kadagita a bulan. Pangngaasiyo ta siertuenyo a makasangpet ti espesial a pedidoyo iti sanga nga opisina a saan a naladladaw ngem Pebrero 1, 2001. Daytoy ti mangipasiguro a makaawatkayto kadagiti kanayonan a magasin a maigiddan iti regular a pedidoyo.

◼ Baro a Broshur a Magun-odan:

Jehovah’s Witnesses—Who Are They? What Do They Believe?—Ingles laeng (Daytoy a broshur ti kasukat ti Jehovah’s Witnesses in the Twentieth Century)

◼ Baro nga Audiocassette a Magun-odan:

Kingdom Melodies No. 9