Dagiti Pakaammo

◼ Literatura a tukon iti Abril ken Mayo: Indibidual a kopia Ti Pagwanawanan ken Agriingkayo! No adda aginteres kadagiti tattao a masarungkaran, mabalin nga itukon ti suskripsion. Isaganaan iti libro a Pannakaammo wenno broshur a Kalikaguman dagiti interesado, ket ikagumaan a mairugi ti panangyadal iti Biblia. Hunio: Ti libro a Pannakaammo wenno broshur a Kalikaguman a pagreggetan a mairugi ti panangyadal iti Biblia. Hulio ken Agosto: Mabalin nga itukon ti aniaman kadagiti broshur. Ngem tangay nairuaren ti baro a broshur a Mabalinyo ti Makigayyem iti Dios, nasayaat no iramanyon nga itukon.

◼ Addanton iti mabiit dagiti 2000 a tomo ti Watchtower ken Awake! ket mabalinen ti agpedido. Ngem laglagipenyo nga special request items dagitoy ket mapedido koma laeng no adda agkiddaw nga agibumbunannag. No awan pay dagiti tomo inton maawatmi ti pedidoyo, agparangto dagita a kas “back-ordered” sa mapatulodankayto kadagiti tomo inton maawatmi manipud Brooklyn.

◼ Nasaysayaat no itukonyo ti libro a Pannakaammo wenno broshur a Kalikaguman no mangaskasabakayo kadagiti naiputputong a paset ti teritoriayo kadagiti bulan ti kalgaw. Agitugottayo amin iti nagduduma a tract nga agpaay kadagidiay ditay madanon wenno saan a mangala iti literatura. Ikagumaan a surnadan dagiti nangipakita iti interes.

◼ Addaan koma dagiti sekretario ti kongregasion iti umdas a suplay dagiti pormas nga Application for Regular Pioneer Service (S-205) ken Application for Auxiliary Pioneer Service (S-205b). Mapedido dagitoy iti Literature Request Form (S-14). Adda koma suplay nga agpaay iti uray makatawen laeng. Repasuenyo ti amin nga aplikasion iti panag-regular pioneer tapno masierto a kompleto ti impormasion kadagitoy. No di malagip dagiti aplikante ti eksakto a petsa ti pannakabautisarda, pattapattaenda lattan ti petsa sada irekord.

◼ Mangrugi iti lawas ti Hulio 30, 2001, adalentayto Ti Padto ni Isaias—Lawag nga Agpaay iti Sangatauan I iti Panagadal iti Libro ti Kongregasion.

◼ Baro a Biblia a Cebuano ken Iloko: Maitunos iti naipakaammo iti kallabes a “Dagiti Managtungpal iti Sao ti Dios” a Kombension Distrito, maragsakan ti Sosiedad a mangipakaammo iti amin a Cebuano ken Iloko a Kongregasion a mabalinen a pediduen iti Sosiedad ti New World Translation of the Holy Scriptures kadagita a pagsasao. Mabalin a pediduen a dagus ti Iloko nga edision, idinto ta mapedido ti Cebuano nga edision kalpasan ti Abril 1, 2001. Mapedido dagitoy dagiti kongregasion kas iti sigud a pamay-an iti pormas a Literature Request (S-14).