Repaso iti Teokratiko nga Eskuelaan ti Panagministro
Siseserra ti libro a repaso iti material a nasaklaw dagiti paset ti Teokratiko nga Eskuelaan ti Panagministro bayat dagiti lawas ti Setiembre 2 agingga iti Disiembre 23, 2002. Usarem ti sabali a papel a pangisuratam iti sungbatmo kadagiti saludsod a kabaelam a sungbatan bayat ti naituding a tiempo.
[Palagip: Bayat ti naisurat a repaso, mabalin a mausar ti Biblia a pangsungbat iti aniaman a saludsod. Dagiti reperensia a sumaruno kadagiti saludsod maipaayda iti personal a panagsukimatmo. Ti numero dagiti panid ken parapo nalabit a saanda nga agparang kadagiti amin a reperensia Ti Pagwanawanan.]
Sungbatanyo ti tunggal maysa kadagiti sumaganad a sasao iti Umiso wenno Di Umiso:
1. Ti panangmennamenna kadagiti nakaskasdaaw a kalidad ni Jehova ket maysa a napateg a pamay-an iti iyaadani kenkuana. (Sal. 143:5) [w00-IL 10/15 p. 4 par. 6]
2. Adda moderno a katupag ti panaginnasideg ti dua a baston a nadakamat iti Ezequiel 37:15-24 ta idi 1919, dagiti matalek a napulotan ket naikaykaysada iti sidong ni Kristo, ti “maymaysa nga ari” ken ‘maymaysa a pastorda.’ [Linawas a panagbasa iti Biblia; kitaenyo ti w88-IL 9/15 p. 25 par. 13.]
3. Nupay dagiti masirib a mammabalaw iti Biblia kuestionaranda ti historia iti libro a Daniel, ti nakabakab dagiti arkeologo iti adun a tawen naan-anay a pinarmekna ti ibagbagada. [si-IL p. 138 par. 4]
4. No ti mangngegtayo ket aggapu iti kasla adda autoridadna a gubuayan wenno iti tao a mangibagbaga nga adu ti pannakaammona, mabalin nga awan ti nabileg a rason tapno ibilang dayta a di umiso. [w00-IL 12/1 p. 29 par. 7-8]
5. Ti sasao a “dagiti segundario a mammadto” ket maitutop a mangdeskribir a saan unay a napateg ti maudi a 12 a libro ti Hebreo a Kasuratan. [si-IL p. 143 par. 1]
6. Ni Amos ket maysa kadagiti “annak dagiti mammadto” idi inayaban ni Jehova ket imbaonna nga agipadto idiay Juda ken Israel. (2 Ar. 2:3) [si-IL p. 148 par. 1]
7. Impakpakauna ti Abdias 16 ti pannakatalipupos ti intero a nasion ti Edom gapu iti pananggurana iti Juda. (Abd. 12) [Linawas a panagbasa iti Biblia; kitaenyo ti kahon iti w89-IL 4/15 p. 30.]
8. Ti “nadalus a pagsasao” a nadakamat iti Sofonias 3:9 iramanna ti umiso a pannakaawat iti kinapudno maipapan iti Dios ken kadagiti panggepna. [Linawas a panagbasa iti Biblia; kitaenyo ti w01-IL 2/15 p. 27 par. 18.]
9. Narikna ni Jesus ti nakaro a kinasaem idiay minuyongan ti Getsemani gapu ta maseknan no kasano a ti ipapatayna kas maum-umsi a kriminal ket makaapektar ken ni Jehova ken iti nasantuan a naganna. (Mat. 26:38; Luc. 22:44) [w00-IL 11/15 p. 23 par. 1]
10. Ti “Filisteo” a nagbalin a “kas iti shik iti Juda,” a nadeskribir iti Zacarias 9:6, 7, naimpadtuan a deskribirenna dagiti miembro ti sabsabali a karnero ita a sansanayen “ti matalek ken masirib nga adipen” ken naipaayan iti kasapulan nga autoridad. (Mat. 24:45) [Linawas a panagbasa iti Biblia; kitaenyo ti w95-IL 7/1 p. 23 par. 14.]
Sungbatanyo dagiti sumaganad a saludsod:
11. Kasano a ti rebbengentayo a mangasaba ket maidilig iti rebbengen ni Ezequiel kas maysa a managwanawan? (Ezeq. 33:1-11) [Linawas a panagbasa iti Biblia; kitaenyo ti w88-IL 1/1 p. 28 par. 13.]
12. Iti moderno a panawen, ania ti naimatangan a kaasping ti sirmata ni Ezequiel maipapa kadagiti naganggangan a tulang? (Ezeq. 37:5-10) [Linawas a panagbasa iti Biblia; kitaenyo ti w88-IL 9/15 p. 24 par. 12.]
13. Ania ti makakombinsir unay nga ebidensia nga impaltiing ti Dios ti libro a Zacarias? [si-IL p. 169 par. 5]
14. Ania ti irepresentar ti siudad iti sirmata ni Ezequiel? (Ezeq. 48:15-17) [Linawas a panagbasa iti Biblia; kitaenyo ti w99-IL 3/1 p. 18 par. 22.]
15. Kasanotayo nga ilawlawag a sigun iti Isaias 2:2-4, dagiti mapaspasamak ita idiay Israel ket saan nga espesipiko a kaitungpalan ti padto ti Biblia? [rs-IL p. 199 par. 2]
16. Ania a leksion ti masursurotayo iti reaksion ni Daniel iti bilin ti ari nga awan ti agdawat iti siasinoman a dios wenno tao malaksid iti ari iti las-ud ti 30 nga aldaw? (Dan. 6:7-10) [Linawas a panagbasa iti Biblia; kitaenyo ti dp-IL p. 125 par. 25-8.]
17. Iti panangiwaragawag iti ania a mensahe ni Jehova a dagiti natda ket kasla iti leon iti tengnga dagiti nasion? (Mik. 5:8) [Linawas a panagbasa iti Biblia; kitaenyo ti w82-IL 1/15 p. 22 par. 10.]
18. Ania ti kaipapanan ti sasao a “babaen kadagiti bukodna a sarukod sinalputmo ti ulo dagiti mannakigubatna” iti Habakuk 3:14? [Linawas a panagbasa iti Biblia; kitanyo ti w00-IL 2/1 p. 22 par. 15; w82-IL 2/1 p. 8 par. 6-7.]
19. Ania ti ipasimudaag ti sao a “nalabit” iti Sofonias 2:3? [Linawas a panagbasa iti Biblia; kitaenyo ti w01-IL 2/15 p. 19 par. 8.]
20. Sigun iti Zacarias 8:6, kadagiti tawen nanipud idi 1919, kasano nga imbanag ni Jehova ti kasla nagrigat a maibanag no iti panangmatmat ti tao? [Linawas a panagbasa iti Biblia; kitaenyo ti w96-IL 1/1 p. 16 par. 18-19.]
Ipaayyo ti sao wenno sasao a kasapulan a mangkompleto iti tunggal maysa kadagiti sumaganad a sasao:
21. Makisaritatayo ken ni Jehova babaen ti ․․․․․․․․, nga isut’ nadayaw a pannakisaritatayo iti Dios; iti met biangna, ti kangrunaan a pamay-an ti pannakisaritana kadatayo ket babaen ti ․․․․․․․․,(Sal. 65:2; 2 Tim. 3:16) [w00-IL 10/15 p. 5 par. 2-3]
22. Ni Jesu-Kristo ket mabalin nga isu met la ni Miguel babaen ti panangidiligtayo iti Judas 9 iti 1 Tesalonica 4:16 (Revised Standard), a sadiay ti bilin ni Jesu-Kristo a mangrugi ti panagungar ket madeskribir kas “․․․․․․․․”; kanayonanna, “․․․․․․․․,” ti kaipapanan ti nagan a Miguel, a nabatad a mangipasimudaag a ni Jesus ti mangidadaulo iti pannakaitandudo ti kinasoberano ni Jehova ken ti pannakadadael dagiti kabusor ti Dios. [rs-IL p. 193 par. 4–p. 194 par. 1]
23. Ti “iruruar ti sao a mangisubli ken mangbangon manen iti Jerusalem” ket napasamak idi ․․․․․․․․, a nangtanda iti panangrugi ti 69 a lawas ti tawtawen, a nagpatingga idi nagparang ti Mesias idi ․․․․․․․․(Dan. 9:25) [Linawas a panagbasa iti Biblia; kitaenyo ti dp-IL p. 190 par. 20–p. 191 par. 22.]
24. Ti Joel 2:31, a dakamatenna ti panagsipnget ti init, ket kaasping ti Mateo 24:29, 30, a sadiay dineskribir ni ․․․․․․․․ ti iyaayna kas ti Anak ti tao nga addaan iti ․․․․․․․․ si-IL p. 147 par. 13]
25. Ti padto ni ․․․․․․․․ maipapan iti Asiria ken ti kabeserana a siudad a ․․․․․․․․, itan-okna ti kinahustisia ken kinangato ni Jehova ken mangted kadatayo iti panagtalek nga ipakatto ni Jehova ti kinahustisia kadagiti amin a nadangkes. [si-IL p. 160 par. 11]
Pilienyo ti umiso a sungbat ti tunggal maysa kadagiti sumaganad a sasao:
26. Ipaganetget ti libro nga Ezequiel a (naparabur; napakumbaba; nasantuan) ni Jehova ken ipakaammona a (ti pannakapasayaat ti kinatao ti maysa; ti pannakasantipikar ti nagan ni Jehova; ti panagbalin a naimbag a kaarruba) ket napatpateg ngem iti aniaman a banag. [si-IL p. 137 par. 33]
27. Ni Ezequiel, a kasadaran ni Daniel, pinasingkedanna a ni Daniel ket aktual a tao, ken inramanna kada (Noe ken Job; Moses ken Josue; Elias ken Eliseo). [si-IL p. 138 par. 2]
28. Maitunos iti Daniel 2:34, 35, 45, ti bato a nangtiro ken nangburak iti ladawan irepresentarna ti (Armagedon; dagiti nasakit a mensahe ti panangukom nga iwarwaragawag ti ili ti Dios; ti Mesianiko a Pagarian). [si-IL p. 142 par. 20, 23]
29. Ti simboliko a nasion dagiti dudon a nadakamat iti Joel 1:4-6 irepresentarna (ti nasion ti Israel; dagiti napulotan a Kristiano; dagiti buyot ti Roma). (Ara. 2:1, 14-17) [Linawas a panagbasa iti Biblia; kitaenyo ti w98-IL 5/1 p. 9 par. 9.]
30. Ti “pagarian ti Anak ti ayatna” a nadakamat iti Colosas 1:13 ket (ti Mesianiko a Pagarian; panagturay ni Kristo iti kongregasion Kristiano nanipud idi Pentecostes 33 K.P. ken agpatpatuloy; ti Sangaribu a Tawen a Panagturay ni Kristo). [rs-IL p. 273 par. 5]
Itupagyo dagiti sumaganad a kasuratan kadagiti sasao a nailista iti baba:
Os. 6:6; Joel 2:32; Zac. 4:6, 7; 13:3; Roma 12:2
31. Rumbeng a ditay ipalubos a dagiti naibasar iti kultura wenno nailubongan a pagalagadan daytoy sistema ti bambanag ti mangsukog iti panagpampanunottayo. [w00-IL 11/1 p. 21 par. 5]
32. Ti makaay-ayo iti Dios, ket saan a ti nagadu a pormalistiko a naidiaya a sakripisio, no di ket dagiti ebkas ti nasungdo nga ayat a naibasar iti pannakaammo maipapan kenkuana. [Linawas a panagbasa iti Biblia; kitaenyo ti si-IL p. 145 par. 16.]
33. Ti pannakaammo, panagraem, ken panagpannuray iti daydiay addaan iti nadiosan a nagan ket napateg iti pannakaisalakan. [Linawas a panagbasa iti Biblia; kitaenyo ti kahon iti w89-IL 3/15 p. 30.]
34. Matungpal ti panggep ti Dios, saan a gapu iti aniaman a pannakabalin ti tao, no di ket babaen ti espirituna, a tumulong kadagiti adipenna a mangparmek kadagiti nakaro a tubeng ken agibtur iti panagserbida iti Dios. [si-IL p. 169 par. 2]
35. Ti kinasungdo a pakailasinan ti organisasion ni Jehova rimbawanna ti amin a relasion ti tattao, kas iti kinasinged dagiti asideg nga agkakabagian. [si-IL p. 171 par. 24]