Dagiti Pakaammo

◼ Literatura a tukon iti Nobiembre: Mabalin nga itukon ti libro a Pannakaammo wenno ti broshur a Kalikaguman. No addaanen dagiti tattao kadagitoy a publikasion, itukon ti libro nga Agdayawkayo iti Dios wenno ti sabali a daan a publikasion. Disiembre: Mabalin nga itukon ti aniaman kadagitoy a libro: Ti Katan-okan a Tao a Nagbiag Pay Laeng, Ti Biblia​—Saot’ Dios Wenno iti Tao?, Ti Librok Dagiti Estoria ti Biblia, wenno Mabalinyo ti Agbiag nga Agnanayon iti Paraiso a Daga. Enero: Mabalin nga itukon ti aniaman a daan a 192-panidna a libro. Dagidiay awanan kadagiti daan a libro mabalinda nga itukon Ti Panangbiruk ti Sangatauan iti Dios. Pebrero: Maitukon ti libro nga Umadanika ken Jehova.

◼ Ti mamangulo a manangaywan wenno siasinoman a dutokanna sukimatenna ti kuenta ti kongregasion inton Disiembre 1 wenno iti kabiitan a panawen kalpasan dayta. Iyanunsio iti kongregasion no naaramiden daytoy.

◼ Addanto mayurnos a programa para kadagiti tuleng iti “Idayawyo ti Dios” a Kombension Distrito iti Quezon City inton Enero 9-11, 2004. Maigiddanto daytoy iti Ingles a kombension iti dayta a petsa. Tumabuno koma iti daytoy a kombension ti siasinoman a tuleng a makaawat iti sign language, tangay awan ti programa para kadagiti tuleng iti dadduma a kombension.

◼ Dagiti Kontribusion iti Kombension Distrito: Amin a gastos kadagiti kombension, a pakairamanan ti abang ti istadium, pannakaisagana ti entablado ken sound system, kasta met ti gastos iti pannakaipablaak ti aniaman a baro a publikasion a mairuar, ket aggapu kadagiti boluntario a donasion iti sangalubongan a trabaho. Masiguradomi a sipapanunotkayo iti daytoy inton tumabunokayo. Maitinnag dagiti kontribusion kadagiti kahon a maiplastar iti tunggal kombension.

◼ Baro a Publikasion a Magun-odan:

Watch Tower Publications Index—2002—Ingles