Dagiti Pakaammo

◼ Literatura a tukon iti Marso: Maitukon ti libro a Pannakaammo, nga addaan kalat a mangirugi kadagiti panangyadal iti Biblia. No addaanen dagiti tattao iti daytoy a publikasion, mabalin nga itukon ti Ipangagyo ti Padto ni Daniel! Abril ken Mayo: Indibidual a kopia Ti Pagwanawanan ken Agriingkayo! No sumarungkar kadagiti interesado, iraman dagidiay timmabuno iti Memorial wenno iti dadduma pay a teokratiko nga okasion ngem saan nga aktibo a makitimtimpuyog iti kongregasion. Ipamaysa ti panangipaima iti libro nga Agdayawkayo iti Dios ken ikagumaan ti mangirugi iti panagadal iti Biblia iti pagtaengan, nangruna kadagidiay nakalpasen iti libro a Pannakaammo ken ti broshur a Kalikaguman. Hunio: Ti baro a libro nga Agsursuroka iti Naindaklan a Mannursuro. No adda dagiti agkuna nga awan annakda, itukon ti broshur a Kalikaguman.

◼ Agplano koma itan dagiti agibumbunannag nga agtarigagay nga ag-auxiliary pioneer inton Abril ken Mayo sa itedda a nasakbay ti aplikasionda. Tumulong daytoy kadagiti panglakayen a mangaramid kadagiti nasken nga urnos iti panangasaba iti tay-ak ken mangisagana iti umdas a magasin ken dadduma pay a literatura a mausar. Mayanunsio iti kongregasion ti nagan dagiti amin a naaprobaran nga ag-auxiliary pioneer.

◼ Panagbasa iti Biblia iti Lawas ti Memorial: Maidagadag kadatayo amin a basaentayo ti naisingasing a paset ti Biblia a nayeskediul iti 2004 Calendar ken iti Panangsukimat Kadagiti Kasuratan iti Inaldaw, a mangrugi inton Marso 30 ken agngudo iti aldaw ti Memorial, Abril 4.