Repaso iti Teokratiko nga Eskuelaan ti Panagministro
Oral a mausig dagiti sumaganad a saludsod iti Teokratiko nga Eskuelaan ti Panagministro iti lawas a mangrugi iti Hunio 28, 2004. Mangikondukta ti manangaywan iti eskuelaan iti 30–minuto a repaso a naibatay iti material a saklawen dagiti paset para iti lawas ti Mayo 3 agingga iti Hunio 28, 2004. [Palagip: No awan dagiti reperensia kalpasan ti saludsod, dakayo a mismo ti agsukimat a mangbirok kadagiti sungbat.—Kitaenyo ti Eskuelaan ti Panagministro, p. 36-7.]
DAGITI KUALIDAD TI PANAGPALAWAG
1. Ania dagiti makagapu a saan a kasla makisarsarita wenno pormal unay ti panagpalawagtayo iti plataporma? [be p. 179 par. 4]
2. Apay a ti panangpasayaat iti kalidad ti bosestayo ket saan laeng a babaen ti umiso a panaganges ken panangirelaks kadagiti nairteng a masel? [be p. 181 par. 2]
3. No iranudtayo kadagiti sabsabali dagiti kinapudno a linaon ti Biblia, ania dagiti praktikal nga addang a mabalintayo nga aramiden tapno ‘agbalintayo nga amin a bambanag iti amin a kita ti tattao’? (1 Cor. 9:20-23) [be p. 186 par. 2-4]
4. Ania ti nairaman iti panagimdeng a naimbag iti ministeriotayo? [be p. 187]
5. Apay a nasken ti mangipakita iti panagraem kadagiti amin a makasabaantayo? [be p. 190]
PASET NUM. 1
6. Ania ti kalat dagidiay mangipapaay iti teokratiko nga edukasion, ken ania ti tumulong kadatayo a mangragpat iti daytoy a kalat? (Mat. 5:16; Juan 7:16-18) [be p. 56 par. 3–p. 57 par. 2]
7. Apay a makagunggona ti panamagdilig no mangisurotayo, ken kasano nga impakat ni Jesus daytoy a wagas ti panangisuro? [be p. 57 par. 3; p. 58 par. 2]
8. No idilig kadagiti Fariseo, kasano a ti panangisuro ni Jesus madanonna ti puso dagiti tattao? [be p. 59 par. 2-3]
9. Kasanotayo a matulongan dagidiay iyad-adalantayo a mangyaplikar iti maad-adalda, a ditay idesisionan ida? [be p. 60 par. 1-3]
10.Kasano ti rumbeng a panangsungbattayo kadagiti saludsod ti dadduma maipapan kadagiti banag a nasken ti personal a pangngeddeng? [be p. 69 par. 4-5]
LINAWAS A PANAGBASA ITI BIBLIA
11. Apay a nasken a suroten a naimbag ni Moises “ti pagtuladan ti tabernakulo ken pagtuladan dagiti amin nga alikamenna”? (Ex. 25:9) [it-2-E p. 1058 par. 7]
12. Ania ti masursurotayo iti kinuna ni Aaron ken ni Moises mainaig iti balitok a sinan-urbon a baka? (Ex. 32:24)
13. Ania ti masursurotayo iti panangiparangarang dagiti Israelita iti pammatida kas panagtulnog iti bilin ni Jehova iti Exodo 34:23, 24?
14. Ania ti panggep ti pakikaykaysa a sakripisio? (Lev. 3:1)
15. Kasano a ti pamay-an a pannakadutok ni Aaron, a nailanad iti Levitico 8:23, iladawanna ti pamay-an a pannakadutok ni Jesus? [it-2-E p. 1113 par. 4; w68-E p. 399 par. 24]