Dagiti Pakaammo

◼ Literatura a tukon iti Hulio ken Agosto: Mabalin nga itukon ti aniaman kadagiti broshur. Setiembre: Ti libro a Life—How Did It Get Here? By Evolution or by Creation? Kadagidiay saan a makabasa iti Ingles, mabalin nga itukon ti libro a Pannakaammo kas sandi. Oktubre: Itukon dagiti indibidual a kopia Ti Pagwanawanan ken Agriingkayo! No interesado ti bumalay, itukon ti broshur a Kalikaguman ken ikagumaan ti mangirugi kadagiti panagadal iti Biblia. No naadalen dagiti dadduma ti libro a Pannakaammo ken ti broshur a Kalikaguman, ikagumaan nga irugi ti panagadal iti libro nga Agdayawkayo iti Dios.

◼ Inton Sabado, Agosto 28, 2004, adda sapasap a panagdalus iti Pagtaengan a Bethel idiay Quezon City, isu a nakaserranto ti opisina iti dayta nga agsapa ken awan ti maaramid a panagpasiar iti dayta nga aldaw. Nakaserranto met ti literature reception iti dayta nga agsapa.

◼ Mangrugi iti umuna a lawas ti Setiembre, ipaay dagiti manangaywan iti sirkito ti palawag publiko a napauluan iti “Makinprinsipio ti Ipatpategmo” iti panagbisitada kadagiti kongregasion.

◼ Kasapulan ti sanga nga opisina ti maaddaan iti umiso a rekord dagiti adres ken numero ti telepono dagiti amin a mamangulo a manangaywan ken sekretario. Kaanoman nga adda panagbalbaliw, ti Service Committee ti kongregasion masapul a suratan, pirmaan, ken ipatulodda a dagus iti sanga nga opisina ti porma a Presiding Overseer/Secretary Change of Address (S-29). Ramanen daytoy ti aniaman a panagbalbaliw dagiti area code ti telepono.

◼ No planoyo ti tumabuno kadagiti gimong ti kongregasion, asamblea, wenno kombension distrito iti sabali a pagilian, agsuratkayo iti sanga nga opisina a mangimatmaton iti trabaho iti dayta a pagilian no kayatyo ti agkiddaw iti impormasion maipapan kadagiti petsa, oras, ken lokasion. Nailista dagiti adres dagiti sanga nga opisina iti maudi a panid ti agdama a Tinawen a Libro.