No Ania ti Ibagayo Maipapan Kadagiti Magasin

Ti Pagwanawanan Hul. 15

“No maipadamag kadagitoy a tiempo ti pasamak a kas iti daytoy [ti ladawan iti akkub], mabalin a saan a mamati ti kaaduan a tattao. Ania ti makunayo? [Palubosanyo a sumungbat. Sa basaenyo ti Marcos 4:39.] Ania ti pammaneknek a pudno dagiti milagro nga inaramid ni Jesus? Mausig daytoy a saludsod iti daytoy a ruar Ti Pagwanawanan.”

Agriingkayo! Hul. 22

“Iti lubong ita, kanayon a mangparpartuat dagiti kriminal kadagiti baro a pamay-an ti panangsaur kadagiti managtalek a tattao. Pakaseknanyo kadi daytoy? [Palubosanyo a sumungbat.] Salaysayen daytoy a ruar ti Agriingkayo! ti sumagmamano a napateg nga addang a makatulong kadatayo a mangsalaknib iti bagitayo tapno saantayo a mabiktima iti panagsaur.” Basaenyo ti Proverbio 22:3.

Ti Pagwanawanan Ago. 1

“Iti nabingaybingay a lubong, patien dagiti dadduma a ti kakaisuna a pamay-an tapno maipasdek ti sangalubongan a talna ket babaen ti maysa a sangalubongan a gobierno. Panagkunayo, posible kadi dayta? [Palubosanyo a sumungbat. Sa basaenyo ti Daniel 2:44.] Salaysayen daytoy a magasin no ania ti ar-aramiden ita ti Pagarian ti Dios ken no kasano a mabiiten nga iyegna ti sangalubongan a talna.

Agriingkayo! Ago. 8

“Maladingitantayo amin no madamagtayo ti pannakaabuso dagiti ubbing. Nalabit naisalsaludsodyon, ‘Talaga kadi a maseknan ti Dios?’ [Palubosanyo a sumungbat. Sa basaenyo ti Salmo 72:12-14.] Salaysayen daytoy nga artikulo no kasano ti panagrikna ti Dios kadagiti ubbing ken no kasanona nga iyeg iti saanen a mabayag ti manayon a bang-ar kadagiti amin a mairurrurumen.”