No Ania ti Ibagayo Maipapan Kadagiti Magasin

Ti Pagwanawanan Ago. 15

“Nadumaduma ita ti pangsapsapulan dagiti tattao iti balakad maipapan iti panagasawa ken panangpadakkel iti annak. Panagkunayo, sadino ti pakasarakan iti kasayaatan a balakad? [Palubosanyo a sumungbat.] Salaysayen daytoy a ruar Ti Pagwanawanan ti dadduma kadagiti nainsiriban a balakad maipapan iti biag ti pamilia nga impaay ti Namarsua iti sangatauan.” Basaenyo ti Salmo 32:8.

Agriingkayo! Ago. 22

“Panagkunayo, kasano kapateg ti akem dagiti amma iti biag dagiti annakda? [Palubosanyo a sumungbat.] Salaysayen daytoy a ruar ti Agriingkayo! ti kumarkaro a parikut maipapan iti kaawan dagiti amma. Ilawlawagna pay no kasano nga agbalin dagiti amma a nasayaat nga impluensia kadagiti annakda.” Basaenyo ti Proverbio 13:1.

Ti Pagwanawanan Set. 1

“Kayattayo amin ti agbalin a naragsak. Panagkunayo, talaga kadi a mangyeg iti ragsak dagiti banag a nadakamat ditoy? [Basaenyo ti Mateo 5:4a, 6a, 10a sa palubosanyo a sumungbat.] Ilawlawag daytoy a magasin ti kaipapanan dagita a sasao manipud iti nalatak a Sermon iti Bantay ken salaysayenna no ania ti kasapulan tapno agbalintayo a naragsak.”

Agriingkayo! Set. 8

“Mapattapatta a 1 iti kada 4 a tattao ti maaddaan iti sakit ti isip iti aniaman a tiempo iti biagda. Adu kadatayo ti adda am-ammona nga agsagsagaba iti kasta a sakit. [Ukagenyo ti artikulo.] Mangipaay daytoy nga artikulo kadagiti makatulong a singasing no ania ti maaramidantayo no kasta ti kasasaad ti maysa a patpatgentayo iti biag.”