Dagiti Pakaammo

◼ Literatura a tukon iti Enero: Mabalin nga itukon ti aniaman a 192 ti panidna a libro. Pebrero: Maitukon ti libro nga Umadanika ken Jehova. Marso: Itukon ti libro a Pannakaammo nga addaan iti kalat a mangirugi kadagiti panangyadal iti Biblia. Abril ken Mayo: Indibidual a kopia Ti Pagwanawanan ken Agriingkayo! No sumarungkar kadagiti interesado, agraman kadagidiay tumabtabuno iti Memorial wenno iti dadduma pay a teokratiko nga okasion ngem saan nga aktibo a makitimtimpuyog iti kongregasion, ipamaysa nga ipaima ti libro nga Agdayawkayo iti Dios. Ikagumaan ti mangirugi iti panangyadal iti Biblia, nangruna kadagidiay nakalpasen iti libro a Pannakaammo ken ti broshur a Kalikaguman.

◼ Mangrugi iti Marso 2005, ti baro a palawag publiko para kadagiti manangaywan iti sirkito ket napauluan iti “Panangsango iti Masanguanan Buyogen ti Pammati ken Tured.”

◼ Dagiti kongregasion mangaramidda koman kadagiti urnos iti panangrambak iti Memorial ita a tawen inton Huebes, Marso 24, 2005, kalpasan ti ilelennek ti init. Maangay koma iti sabali nga aldaw dagiti gimong a maang-angay iti Huebes. Nupay mabalin nga irugi a nasapsapa ti palawag, sa la ipasa dagiti emblema ti Memorial no limneken ti init. Dagiti manangaywan iti sirkito nasken a baliwanda ti eskediul dagiti gimong bayat ti panagbisitada iti dayta a lawas sigun kadagiti lokal a kasasaad. Nupay nasaysayaat koma no kada kongregasion ket rambakanda ti Memorial a bukbukodda, mabalin a saan a kanayon a posible daytoy. No adu a kongregasion ti agus-usar iti maymaysa a Kingdom Hall, mabalin a gumun-od ti maysa wenno ti dadduma pay a kongregasion iti sabali a pasilidad nga usarenda iti dayta a rabii. No mabalbalin, isingasingmi a di kumurang nga 40 minuto koma ti baet dagiti programa tapno magunggonaan ti amin iti dayta nga okasion.