Dagiti Pakaammo
◼ Literatura a tukon iti Pebrero: Maitukon ti libro nga Umadanika ken Jehova. Marso 1-20: Itukon ti libro a Pannakaammo nga addaan iti kalat a mangirugi kadagiti panangyadal iti Biblia. Marso 21—Abril 17: Espesial a kampania a panagiwaras iti broshur nga Agtultuloyka nga Agbantay! Abril 18—Mayo 31: Indibidual a kopia Ti Pagwanawanan ken Agriingkayo! No sumarungkar kadagiti interesado, agraman kadagidiay tumabtabuno iti Memorial wenno iti dadduma pay a teokratiko nga okasion ngem saan nga aktibo a makitimtimpuyog iti kongregasion, ipamaysa nga ipaima ti libro nga Agdayawkayo iti Dios. Ikagumaan ti mangirugi iti panangyadal iti Biblia, nangruna kadagidiay nakalpasen iti libro a Pannakaammo ken ti broshur a Kalikaguman.
◼ Maipalawag inton Domingo, Abril 10, 2005, ti espesial a palawag publiko para iti 2005. Napauluan ti palawag iti “Apay a Nagsagaba ken Natay ni Jesus?” Addanto maited a balabala. Kadagiti kongregasion a mairana ti bisita ti manangaywan iti sirkito, asamblea sirkito, wenno aldaw ti espesial nga asamblea iti dayta a ngudo ti lawas, maangay ti espesial a palawag inton Abril 17, 2005. Kadagiti kongregasion a saan a Domingo ti pannakaangay ti miting publiko, mabalin nga iyeskediul ti espesial a palawag kadagiti aldaw manipud iti Abril 11 agingga iti 16, 2005.
◼ Ti sekretario ken ti manangaywan iti serbisio repasuenda ti nagapuanan dagiti amin a regular pioneer. No adda asinoman a marigatan a mangragpat iti makalikaguman nga oras, iyurnos koma dagiti panglakayen ti panangtulong kenkuana. No nababa unay ti orasda ken saanda a maabut ti makalikaguman a tinawen nga oras, mabalin nga isingasing dagiti panglakayen a sumardengda kas regular pioneer ken nalabit agserbida laengen kas regular nga auxiliary pioneer.
◼ Ti mamangulo a manangaywan wenno siasinoman a dutokanna, sukimatenna ti kuenta ti kongregasion inton Marso 1 wenno iti kabiitan a panawen kalpasan dayta. No naaramiden daytoy, iyanunsio iti kongregasion kalpasan a maibasa ti sumaruno a report ti kuenta.
◼ Inton Domingo, Pebrero 20, 2005, addanto miting dagiti amin nga agpalplano nga ag-auxiliary pioneer iti bulan ti Marso, Abril, ken Mayo. Maparegta ti amin nga ag-auxiliary pioneer bayat ti espesial a kampania a panagiwaras iti broshur nangruna iti Marso ken Abril. Ti manangaywan iti serbisio ti mangidaulo iti daytoy a miting, a siguraduenna nga adda umdas nga Application for Auxiliary Pioneer Service a maibunong kadagiti amin a makimiting.