Dagiti Pakaammo

◼ Literatura a tukon iti Mayo: Indibidual a kopia Ti Pagwanawanan ken Agriingkayo! No sumarungkar kadagiti interesado, agraman kadagidiay tumabtabuno iti Memorial wenno iti dadduma pay a teokratiko nga okasion ngem saan nga aktibo a makitimtimpuyog iti kongregasion, ipamaysa nga ipaima ti libro nga Agdayawkayo iti Dios. Ikagumaan ti mangirugi iti panangyadal iti Biblia, nangruna kadagidiay nakalpasen iti libro a Pannakaammo ken ti broshur a Kalikaguman. Hunio: Itukon ti libro nga Agsursuroka iti Naindaklan a Mannursuro. No kuna ti bumalay nga awan annakna, itukon ti broshur a Kalikaguman ken ikagumaan ti mangirugi iti panangyadal iti Biblia. Hulio ken Agosto: Mabalin nga itukon ti aniaman kadagiti broshur.

◼ Ti mamangulo a manangaywan wenno siasinoman a dutokanna sukimatenna ti kuenta ti kongregasion inton Hunio 1 wenno iti kabiitan a panawen kalpasan dayta. No naaramiden daytoy, mayanunsio iti kongregasion kalpasan a maibasa ti sumaruno a report ti kuenta.

◼ Iti sumaruno a bulbulan, patulodandakayto kadagiti porma a kasapulan ti kongregasionyo iti umay a tawen serbisio. No adda dadduma pay a porma a kasapulanyo, mabalin a pediduen dagitoy babaen ti panangusar iti Literature Request Form (S-14). Maipatulod dagitoy a porma nga awan bayadna, ngem awan duadua a kayat ti kongregasion ti mangted iti rasonable a kontribusion para iti sangalubongan a trabaho a makatulong iti gastos iti panagimprenta ken panagipatulod. Kayatmi a dakamaten a dagiti lapel card para iti Kombension Distrito iti 2005 ket mairaman iti pannakaipatulod dagiti porma, isu a saanen a masapul a pediduen dagitoy malaksid no kurang ti impatulodmi kadakayo. Nupay kasta, masapul nga agpedidokayo iti plastik para iti badge iti regular a Literature Request Form.

◼ Baro a DVD a Magun-odan:

Noah Walked With God—David Trusted in God—Ingles