Dagiti Pakaammo

◼ Literatura a tukon iti Hulio ken Agosto: Mabalin nga itukon ti aniaman kadagiti broshur. Setiembre: Itukon ti libro nga Isursuro ti Biblia. Rumbeng nga ikagumaan ti mangirugi iti panangyadal iti Biblia iti damo nga isasarungkar. Nasken a masarungkaran ti amin a napaimaan nga addaan iti kalat a mangirugi iti panangyadal iti Biblia. Oktubre: Itukon ti indibidual a kopia Ti Pagwanawanan ken Agriingkayo! No adda mangipakita iti interes, itukon ti broshur nga Itultuloyyo ti Agbantay! tapno ad-adda nga aginteres iti Biblia.

◼ Inton Sabado, Agosto 26, 2006, adda sapasap a panagdalus iti Pagtaengan a Bethel idiay Quezon City, isu a nakaserranto ti opisina iti dayta nga agsapa ken awan ti maaramid a panagpasiar iti dayta nga aldaw. Nakaserranto met ti literature reception iti dayta nga agsapa.

◼ Mangrugi iti umuna a lawas ti Setiembre, ipaay dagiti manangaywan iti sirkito ti palawag publiko a napauluan iti “Matagiragsakyo ti Natalna a Biag Itan—Ken iti Agnanayon!” iti panagbisitada kadagiti kongregasion.

◼ Ti tinawen a pannakaimbentario dagiti amin a suplay a literatura ken magasin ket maaramid inton Agosto 31, 2006, wenno sakbay dayta aginggat’ mabalin. Umasping daytoy nga imbentario iti aktual a binulan a panagbilang ti literature coordinator, ken maiserrek dagiti pakadagupanna iti porma a Literature Inventory (S-18). Maala (kadag)iti agay-aywan iti magasin ti dagup a bilang dagiti magasin. Ti sekretario ti coordinating congregation ti mangimaton iti imbentario. Isu ken ti mamangulo a manangaywan iti coordinating congregation ti mangpirma iti porma. Makaawatto ti tunggal coordinating congregation iti tallo a porma a Literature Inventory a kadua ti statement iti Hunio. Pangngaasiyo ta ipatulodyo ti orihinal iti sanga nga opisina a saan a naladladaw ngem Setiembre 6. Idulinyo ti maikadua a kopia. Mabalin nga usaren a work sheet ti maikatlo a kopia.

◼ Baro a Compact Disc a Magun-odan:

Watchtower Library—2005 iti CD-ROM—Ingles