Dagiti Pakaammo

◼ Literatura a tukon iti Agosto: Mabalin nga itukon ti aniaman kadagiti broshur; nupay kasta, nasayaat no kanayon nga itugotyo ti broshur a Kalikaguman tapno maaddaankayo iti gundaway a mangirugi kadagiti panangyadal iti Biblia. Setiembre: Ania a Talaga ti Isursuro ti Biblia? Ikagumaanyo ti mangirugi kadagiti panangyadal iti Biblia iti damo nga isasarungkar. No addaanen dagiti bumalay iti kastoy a publikasion, ipakita no kasanoda a magunggonaan iti dayta babaen ti panangidemostra iti apagbiit no kasano ti agadal iti Biblia. Oktubre: Ti Pagwanawanan ken Agriingkayo! No adda mangipakita iti interes, itukon ken ilawlawagyo ti polieto a Kayatyo Kadi a Maammuan ti Ad-adu Pay Maipapan iti Biblia? nga addaan panggep a mangirugi iti panangyadal iti Biblia. Nobiembre: Agsursuroka iti Naindaklan a Mannursuro. No kuna ti bumalay nga awan ti anakna, itukonyo ti broshur nga Agtultuloyka nga Agbantay!

◼ Makaawatto ti kada kongregasion iti dua a kopia ti Congregation Analysis Report (S-10) a kadua ti statement iti Hunio. Ti sekretario iti kongregasion suratanna daytoy a porma a siuumiso ken nadalus, kalpasanna siaannad a sukimaten daytoy ti komite ti serbisio. Iti likud daytoy a porma, mailista dagiti amin a regular pioneer, a maipakita ti dagup a bilang dagiti orasda iti tawen serbisio. Maipatulod ti orihinal a kopia iti sanga nga opisina inton Setiembre 6, 2007. Idulinyo ti maikadua a kopia.

◼ Nasken nga ipatulod itan iti sanga nga opisina dagiti pedido iti Panangsukimat Kadagiti Kasuratan iti Inaldaw—2008 ken ti 2008 Calendar. Mangipatulodkami iti special order blank para kadagitoy a kadua ti statement iti Hunio. No adu a kongregasion ti agus-usar iti maymaysa a Kingdom Hall, dagiti pedido iti kada kongregasion ket kolektaen ti literature coordinator sa pagtitiponenna iti maymaysa nga order blank a maipatulodto iti sanga nga opisina saan a naladladaw ngem Agosto 15, 2007.