Dagiti Pakaammo
◼ Literatura a tukon iti Nobiembre: Agsursuroka iti Naindaklan a Mannursuro. No kuna ti bumalay nga awan ti anakna, itukonyo ti broshur nga Agtultuloyka nga Agbantay! Disiembre: Mabalin nga itukon ti aniaman kadagitoy a libro: Ti Katan-okan a Tao a Nagbiag Pay Laeng, Umadanika ken Jehova, wenno Ti Sekreto ti Kinaragsak iti Pamilia. Enero: Mabalin nga itukon ti aniaman a 192 ti panidna a libro a naipablaak sakbay ti 1991. Dagiti kongregasion nga awanan kadagitoy a libro mabalinda nga itukon ti libro a Pannakaammo (no adda) wenno ti broshur nga Agtultuloyka nga Agbantay! Pebrero: Mabalin nga itukon ti libro a Life—How Did It Get Here? By Evolution or by Creation? wenno ti libro a Kinaragsak iti Pamilia.
◼ Yantangay lima ti Sabado ken lima ti Domingo inton Disiembre, nagsayaat a bulan dayta para iti panag-auxiliary pioneer uray no mabalin nga adu ti tumabuno iti kombension distrito iti maysa a ngudo ti lawas.
◼ Ti suplemento daytoy a ruar Ti Ministeriotayo iti Pagarian ket ti “Eskediul ti Teokratiko nga Eskuelaan ti Panagministro Para iti 2008.” Idulinyo ta mausar daytoy kas reperensia iti 2008.
◼ Maipanagan koma iti “Watch Tower” dagiti donasion a tseke kadagiti kombension distrito ken dagiti maipatulod iti sanga nga opisina.
◼ Maidagadag kadagiti amin nga agibumbunannag a suratandan ti durable power of attorney (DPA) card-da no saanda pay a naaramid dayta. Daytoy a DPA card ti mangsalaknib iti kalinteganyo nga agkedked a mayalisonan iti dara. Mangipaay dagiti panglakayen iti personal a tulong no kasapulan.—Kitaenyo ti suplemento ti Enero 2007 a Ti Ministeriotayo iti Pagarian.
◼ Saanen a kasapulan a suratan dagiti agibumbunannag ti Study Report (S-3) para iti tunggal panangyadal iti Biblia a naikonduktada iti binulan. Nupay kasta, masapul nga itultuloyda nga isurat no mano ti naikonduktada a panangyadal iti Biblia iti maitutop a benneg iti Field Service Report (S-4). Ti porma nga S-3 ket mausar laengen a pangisuratan iti bilang dagiti timmabuno kadagiti gimong ti kongregasion.
◼ Panagbalbaliw iti Kombension Distrito: Ti kombension distrito idiay Nabunturan, Compostela Valley ket maangay idiay Compostela imbes nga idiay Nabunturan. Maangayto met laeng dayta inton Disiembre 21-23, 2007.