Dagiti Pakaammo

◼ Literatura a tukon iti Marso: Ania a Talaga ti Isursuro ti Biblia? Abril ken Mayo: Dagiti magasin a Pagwanawanan ken Agriingkayo! Hunio: Ania a Talaga ti Isursuro ti Biblia?

◼ Ti siasinoman a dutokan ti koordineytor ti bagi dagiti panglakayen ti mangsukimat iti kuenta ti kongregasion kadagiti bulan ti Disiembre, Enero, ken Pebrero.

◼ Maangay ti Memorial inton Martes, Marso 30, 2010. Dagiti kanta a mausar iti Memorial ket ti kanta numero 8 ken 109 iti baro a pagkantaantayo. No Martes ti eskediul ti gimong ti kongregasionyo, ikagumaanyo nga angayen dayta iti sabali nga aldaw ti lawas. No adu a kongregasion ti mangus-usar iti maymaysa a Kingdom Hall ket saanyo a mabalin nga angayen ti gimongyo iti sabali nga aldaw, mabalinyo a kanselaren dayta. Dagiti paset iti Gimong ti Serbisio a nangnangruna nga agaplikar iti kongregasionyo ket mabalinyo nga iraman iti sabali a Gimong ti Serbisio.

◼ Dagiti interesado a tumabuno iti Memorial ket mabalin nga ikkan iti kopia ti espesial a ruar ti Abril 1, 2010 a Pagwanawanan. Mangipatulodto ti sanga nga opisina iti kanayonan a suplay daytoy a ruar. Mairamanto daytoy iti regular a pedido dagiti magasin.