No Ania ti Ibaga No Itukon Dagiti Magasin

Ti Pagwanawanan Enero 1

Basaenyo ti Genesis 2:16, 17 sa ibagayo: “Adda dagiti mangibagbaga nga ammo kano idin ti Dios nga agbasolto ni Adan. Kuna met dagiti dadduma nga awan serserbi ti pakdaar ti Dios no ammonan ti mapasamak. Ania ti makunayo? [Palubosanyo a sumungbat.] Daytoy nga artikulo a mangrugi iti panid 13 ilawlawagna no kasano nga us-usaren ti Dios ti abilidadna a mangammo iti mapasamak iti masanguanan.”

Agriingkayo! Enero

“Patien dagiti dadduma a ti narelihiosuan a pammati ket ad-adda a naibatay iti emosion saan nga iti nainkalintegan a rason. Ania ti makunayo? [Palubosanyo a sumungbat.] Sigun iti Biblia, saan a basta mamatitayo lattan kadagiti narelihiosuan a patpatien. [Basaenyo ti 1 Juan 4:1.] Ti artikulo a mangrugi iti panid 28 ilawlawagna no kasanotayo a masigurado a ti pammatitayo ket sititibker a naibatay iti panagrason.”

Ti Pagwanawanan Pebrero 1

“Gagangay itan ti panagdiborsio. Iti panagkunayo, ania ti kangrunaan a makagapu iti daytoy? [Palubosanyo a sumungbat.] Imutektekanyo daytoy a balakad a napaneknekan ti adu nga agassawa a nakatulong kadakuada. [Basaenyo ti 1 Corinto 10:24.] Ilawlawag daytoy a magasin ti innem a gagangay a reklamo dagiti agassawa ken ipakitana no kasano a makatulong ti panangyaplikar kadagiti prinsipio iti Biblia.”

Agriingkayo! Pebrero

“Kasla umad-adu ti aginteres kadagiti bampira, mangkukulam, ken managsalamangka. Iti panagkunayo, awan ngata ti pagdaksanna ti pannakiraman iti okulto? [Palubosanyo a sumungbat.] Imutektekanyo daytoy nga impakdaar ti Dios iti nagkauna nga Israel. [Basaenyo ti Deuteronomio 18:10-12.] Ipakita daytoy a magasin no ania ti kuna ti Biblia maipapan iti okulto.”