Dagiti Pakaammo

◼ Literatura a tukon iti Hunio: Ania a Talaga ti Isursuro ti Biblia? Ikagumaanyo ti mangirugi iti panangyadal iti Biblia iti damo a pannakisaritayo iti bumalay. No addaanen ti bumalay iti kasta a libro wenno saanna a kayat ti mayadalan, mabalin nga itukon dagiti agibumbunannag ti aniaman a daanen a magasin wenno aniaman a broshur a paginteresan ti bumalay. Hulio ken Agosto: Mabalin nga itukon ti aniaman kadagiti broshur. Iti panagsarungkaryo, iruanganyo ti libro nga Isursuro ti Biblia wenno, no ad-adda a maitutop iti kasapulan ti bumalay, ti broshur nga Umimdengka iti Dios ket Agbiagka nga Agnanayon, ken ikagumaanyo ti mangirugi iti panangyadal iti Biblia. Setiembre ken Oktubre: Dagiti magasin a Pagwanawanan ken Agriingkayo! Iti panagsarungkaryo, itukonyo ti libro nga Isursuro ti Biblia wenno ti broshur nga Umimdengka iti Dios ket Agbiagka nga Agnanayon, ken ikagumaanyo ti mangirugi iti panangyadal iti Biblia.

◼ Mausigto iti Gimong ti Serbisio ti video nga Our Whole Association of Brothers. No agkasapulankayo iti kopia daytoy a video, mabalinyo ti agkiddaw babaen ti kongregasion.

◼ Ti dutokan ti koordineytor ti bagi dagiti panglakayen sukimatenna ti kuenta ti kongregasion kadagiti bulan ti Marso, Abril, ken Mayo.—Kitaenyo ti Instructions for Congregation Accounting (S-27).

◼ No planoyo ti tumabuno iti kombension distrito bayat ti panagpasiaryo iti sabali a pagilian, adda makatulong nga impormasion iti Web site a jw.org babaen ti panangi-click-yo iti Conventions iti Lookup tab.