Dagiti Pakaammo

◼ Literatura a tukon iti Oktubre: Dagiti magasin a Pagwanawanan ken Agriingkayo! No sumarungkarkayo, iruanganyo ti libro nga Isursuro ti Biblia wenno ti broshur nga Umimdengka iti Dios ket Agbiagka nga Agnanayon, ken ikagumaanyo ti mangirugi iti panangyadal iti Biblia. Nobiembre ken Disiembre: Mabalin nga itukon ti aniaman kadagitoy a tract: Asidegen nga Agpatingga ti Amin a Panagsagaba!, Tagiragsakenyo ti Biag ti Pamilia, Daytoy Kadi a Lubong Makalasatto?, wenno ti Aniat’ Namnama Kadagiti Ing-ingungoten a Natayen? No adda mangipakita iti interes, ikagumaanyo ti mangirugi iti panangyadal iti Biblia babaen ti tract a Kayatmo Kadi a Maammuan ti Kinapudno? wenno ti libro nga Isursuro ti Biblia. Enero ken Pebrero: Mabalin nga itukon ti maysa kadagiti sumaganad a 32 ti panidna a broshur: Pudno Aya a Maseknan ti Dios Kadatayo?, Ania ti Panggep ti Biag?, wenno Mabalinmo ti Makigayyem iti Dios! No adda mangipakita iti interes, ikagumaanyo ti mangirugi iti panangyadal iti Biblia, nga usarenyo ti aniaman kadagitoy a broshur. No sumarungkarkayo, iruanganyo ti libro nga Isursuro ti Biblia ken ikagumaanyo ti mangipasdek iti regular a panangyadal iti Biblia.

◼ Mabalin a baliwan ti nakaeskediul a maadal iti gimong iti lawas sakbay ti kombension distrito tapno repasuenyo dagiti balakad ken palagip iti itatabuno iti kombension. Maysa wenno dua a bulan kalpasan ti kombensionyo, mabalin nga usaren ti paset a lokal a kasapulan iti panangrepaso kadagiti punto iti kombension a makatulong kadagiti agibumbunannag iti ministerio.

◼ Kas naisingasing iti suplemento ti Setiembre a Ti Ministeriotayo iti Pagarian, pangngaasiyo ta itugotyo iti pagkombensionan ti aniaman nga imbitasion iti kombension a saanyo a naiwaras tapno mausar iti di pormal a panangasaba wenno itedyo dagita iti maysa kadagiti attendant.